ههلگورد حكمهت: دروستكرنا ههر هێزهكێ ژ دهرڤهی وهزارهتا پێشمهرگهی رهت دكهین
WAAR – دهۆک:
وهزارهتا پێشمهرگهی ئهڤرۆ راگههاند؛ ههر هێزهكا ژ دهرڤهی پێكهاتهیا وهزارهتێ ل ههرێما كوردستانێ بهێته دروستكرن نهقانوونی یه و دێ هێته رهت كرن.
عهمید ههلگورد حكمهت رێڤهبهرێ راگههاندنێ ل وهزارهتا پێشمهرگهی دیار كر؛ وهزارهتا پێشمهرگهی و هێزا پێشمهرگهی تاكه مهرجهعێ سهربازییه ل ههرێما كوردستانێ و ژ لایێ پهرلهمانی ڤه بوویه قانوون و ئهڤ چهنده ژی پشتهڤانییه بۆ هێزا پێشمهرگهی.
گۆت ژی: دروستكرنا ههر هێزهكا دی ژ دهرڤهی وهزارهتا پێشمهرگهی كارهكێ نهقانوونی یه و پێدڤییه حكومهتا ههرێمێ ههلوهست ههمبهر ڤێ چهندێ ههبیت و رێ ل ڤێ چهندێ بگریت.
ئهڤ داخۆیانییا وهزارهتا پێشمهرگهی پشتی وێ بزاڤا حهشدا شهعبی هاتییه كو دخوازیت ب هاریكارییا هندهك لایهنێن سیاسی، گهنجێن كورد د ناڤ رێزێن خوه دا تۆمار بكهت.
تُتاح هذه الصورة أيضا في: کوردی