شێخ جەعفەر: تەڤلیبوونا رێزێن حەشدا شەعبی ژ خیانەتێ مەزنترە
WAAR – دهۆک:
فەرماندارێ یەکەیا حەفتێ یا پێشمەرگەیێن کوردستانێ راگەھاند؛ ناڤ نڤیسینا گەنجان بۆ ناڤ رێزێن حەشدا شەعبی ژ خیانەتێ مەزنترە.
شێخ جەعفەر شێخ مستەفا بۆ مالپەرێ فەرمییێ پارتییا دیمۆکراتا کوردستانێ راگەھاندییه؛ حەشدا شەعبی قەیرانا دارایی و نەبوونا کاری بۆ گەنجێن کورد بۆ خوە ب دەلیڤە زانییە.
شێخ جەعفەر ئاشکرا ژی کر؛ ئەو گەنجێ کوردێ دگەھیتە حەشدا شەعبی، ھەستا نەتەوەیی یا وی لاوازە، ھۆشداری ژی دان؛ ھەر دەما ترس بکەڤیتە سەر کوردستانێ، کورد ب گشتی دێ بەرسینگان لێ گرن.
راگەھاند ژی؛ نڤیسینا ناڤێن کوردان بۆ رێزێن حەشدا شەعبی پیلانە، سەرەرای جوداھییا میلیشیایێن حەشدێ ژی، لێ ھەموو ل سەر ئاستێ کوردان و دەستکەفتێن وان ئێکدەنگن.
بەرپرسێ یەکەیا حەفتێ یا پێشمەرگەی گۆت ژی: گەر تەڤلیبوونا گەنجان بۆ رێزێن حەشدێ بۆ دژایەتییا کوردستانێ بیت، دکەڤیتە د خانهیا خیانەتێ دا و مەزنتر ژی، ھەر کوردەکێ هندی مسقالهكێ هش ل دهڤ بیت تەڤلی حەشدێ نابیت.
تُتاح هذه الصورة أيضا في: کوردی