بارزانی ئێکێ گولانێ ل کرێکارێن کوردستانێ پیرۆز کر

بارزانی ئێکێ گولانێ ل کرێکارێن کوردستانێ پیرۆز کر
WAAR-دهۆك:

سەرۆکێ ھەرێما کوردستانێ پەیامەک ب ھەلکەفتا رۆژا جیھانییا کرێکاران بەلاڤ کر و راگەھاند؛ پێدڤییە کوردستان بۆ باشترکرنا رەوشا ژیانا کرێکاران گاڤان بھاڤێژیت.
مەسعوود بارزانی د پەیجێ خوەیێ تایبەت دا ل سەر تۆرا جڤاکییا فەیسبووکی پەیامەک بەلاڤ کر و پیرۆزی ل ھەموو کرێکارێن کوردستانێ و رێکخستنێن مافێن کرێکاران کرن.
بارزانی د پەیاما خوە دا بەحسا رۆلێ چینا کرێکاران کر و راگەھاند؛ کرێکار چینا زەحمەتکێش و ماندیبوویێن وەلاتینە، رۆلەکێ کارا ژی د پێشکەفتنا ئابۆری و باشکرنا ژیانا خەلکی دا ھەیە، دەستخۆشی ژی ل ئەرک و ماندیبوونا وان کر.
بارزانی د پەیاما خوەدا دوپات کر؛ رێزگرتن ل مافێن کرێکاران و باشترکرنا ژیانا وان و ل بەرچاڤ وەرگرتنا دادپەروەریێ، نیشانێن پێشکەفتنا مرۆڤاتییێ و ئابۆری نە، پێدڤییە کوردستان ژی د وی ئاراستەی دا گاڤان بھاڤێژیت.

تُتاح هذه الصورة أيضا في: کوردی