ئیتالیا پشتهڤانییا خوه بۆ سهرخوهبوونا ههرێما كوردستانێ راگههاند
WAAR-دهۆك:
د كۆمبوونا دگهل سهرۆكێ ههرێما كوردستانێ دا، كونسولا ئیتالیا ل ههولێرێ، پشتهڤانییا وهلاتێ خوه بۆ سهرخوهبوونا ههرێما كوردستانی راگههاند.
ل گۆری مالپهرێ سهرۆكایهتییا ههرێمێ، ئهڤرۆ ل سهلاحهدین، مهسعوود بارزانی سهرۆكێ ههرێما كوردستانێ، پێشوازی ل سێرێنا مۆرونی كونسولا نوویا ئیتالیا ل ههرێما كوردستانێ كر و تێدا، پشتهڤانییا وهلاتێ خوه بۆ هێزێن پێشمهرگهی راگههاند و دیاركر، دێ ل سهر مهشق و راهێنانا پێشمهرگهی و چارهكرنا بریندارێن پێشمهرگهی بهردهوامبن.
ژ ئالیێ خوهڤه سهرۆك بارزانی، هیڤیا سهركهفتنێ بۆ كونسولا نوویا ئیتالیا خواست و سوپاسیا گهل و حكومهتا ئیتالیا كر كو د رۆژێن بهرتهنگ دا، پشتهڤانێن گهلێ كورد و هێزێن پێشمهرگهی بوون و ئامادهییا ههرێمێ ژی بۆ پیشڤهبرنا پهیوهندیێن ههرێم و ئیتالیا نیشاندا.
ههروهسا سهرۆك بارزانی باس ل پرسا ریفراندۆم و سهرخوهبوونا كوردستانێ و پهیاما ئاشتییێ یا گهلێ كورد كر و كونسولا ئیتالیا ژی د وێ دهربارێ دا راگههاند؛ وهلاتێ وێ پشتهڤانا ههر بزاڤهكێ یه كو ببیته ئهگهرێ ئاشتی و سهقامگیرییا دهڤهرێ.
تُتاح هذه الصورة أيضا في: کوردی