پێشمهرگه خوه ل وان جهان ناڤهكێشیت یێن بهری شهرێ مووسل ستاندین
ئهڤرۆ نیوز:
فهرماندهیا گشتی یا هێزێن چهكدار ل ههرێما كوردستانێ دیاركر كو پێدڤیه رێككهفتنهكا نوو ل سهر وان دهڤهران بهێته كرن كو پشتی ئۆپهراسیونا مووسل پێشمهرگهی كۆنترۆل كرین و پێشمهرگه ل وان جهان خوه ناڤهكێشیت كو بهری دهستپێكرنا ئوپهراسیونا مووسل كۆنترۆل كرین.
سهبارهت ئۆپهراسیونا رۆژئاڤا مووسل و تهلهعفهر و شنگال، فهرماندهیا گشتی یا هێزێن چهكدار ل ههرێما كوردستانێ دیاركر كریه” ل هندهك جهان خهرقا رێككهفتنان هاتینه كرن، ل گهل وێ یهكێ ژی ههتا داعش مابیت، ئارمانجا مه نههێلان و ژ ناڤبرنا داعشه، بهلێ ئهگهر ب خهیالا هندهك كهسێن ناڤ حهشدا شهعبی و چهند كوردێن نیشتمان فروش ئهو بیت كو شهرێ داعش ل وێ دهڤهرێ ئیستغلال بكهن بۆ دروستكرنا كێشان بۆ ئاكنجیێن دهڤهرێ و پێشمهرگهی و زێدهكاڤیانب بۆ سهر ئاخا كوردستانێ بكهن، ئهڤه ئهم دبێژینه وان كو چ هێزهك نهشێن و ماف نینه بهێته ناڤ ئاخا كوردستانێ و سهبارهت چارهنڤیسێ شنگالێ ژی، ب تنێ خهلكێ شنگال دێ بریارێ ل سهر چارهنڤیسێ خوه دهت و رێ ناهێته دان چ لایهنێن دی بڕیارێ ل سهر خهلكێ وێ ب سهپینن”.
تُتاح هذه الصورة أيضا في: کوردی