پشتی هەرێما کوردستانێ راگەهاندی کو دێ ل 25/9/2017  دەست ب پروسا ریفراندومێ کەن ، چەند لایەنێن سیاسی و وەلاتێن بیانی وەسا ددەنە دیارکرن کو وەلاتێن جیران مینا تورکیا و ئیران دگەل هەبونا دەولەتا کوردی نینن ل باکورێ عێراقێ ، بەلێ ڤەکرنا نوینەراتیا حکومەتا هەرێما کوردستانێ ل ئەنقەرا پایتەختێ تورکیا دبیتە نیشانا وێ ئێکێ کو تورکیا رێگر نینە دئەنجامدانا ریفراندومێ دا ، بەلکو دێ پەیوەندیێن خو بهێزتر لێ کەت بو قوناغێن داهاتی ژی.
بەرپرسێ پەیوەندیێن دەرڤە یێ پارتی دیموکراتی کوردستانێ وشیار سیوەیلی د لێدوانەکێ دا بو کوردستان 24 ” ڤەکرنا نوینەراتیا هەرێما کوردستانێ ل وەلاتێ تورکیا باشترین بەرسڤە بو وان یێن هزردکەن کو وەلاتێن جیران دگەل ریفراندوما کوردستانێ نینن ، بڤێ ئێکێ ژی پەیوەندیێن دناڤبەرا هەردوو لایان ژلایێ ئابوری و سیاسی ڤە دێ بەرەڤ باشتر بن”.