دوو تیرۆرستان خۆ رادەستی پێشمەرگەى كرن

دوو چەکداری رێکخراوی تیرۆریستی داعش خۆیان رادەستی هێزەکانی پێشمەرگەی کوردستان دەکەن.

ماڵپەڕی (کوردستان 24) لە زاری سەرچاوەیەکی هێزەکانی پێشمەرگەی کوردستان لە سنووری میحوەری باشووری کەرکووک بڵاوی کردووەتەوە، کە یەکێک لەو دوو چەکدارەی داعش لەناو رێکخراوەکەیدا پلەی هەبووە.

ئەو دوو چەکدارە لە سنووری گوندی عوزێرییە دوو لە باشووری کەرکووک خۆیان رادەستی پێشمەرگە کردووە.

لە مانگی حوزەیرانی 2014 و لە سەردەمی سەرۆک وەزیرانیی نوری مالیکی، دوای هەرەس هێنان و شکستی سوپای عێراق، شارۆچکەی حەویجە لە پارێزگای کەرکووک و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار لەلایەن چەکدارانی رێکخراوی توندڕەوی داعش داگیر کران.