وه‌زیره‌ك : مه فه‌رمان دایه پارێ هاندانێ هه‌تا بهێنڤه‌دانا جه‌ژنێ بهێته دابه‌شكرن
میدیا دهوك _
حوكمه‌تا هه‌رێمێ ژبو پشته‌ڤانیا كه‌رتێ ساخله‌میێ و خوشكرنا ژیانا فه‌رمانبه‌رێن وه‌زاره‌تا ساخله‌میێ مه‌هانه كوژمه‌كێ پاره‌ى بناڤێ هاندان لسه‌ر وان دابه‌ش دكه‌ت .
وه‌زیرێ ساخله‌میا حوكمه‌تا هه‌رێمێ د. رێكه‌وت حه‌مه ره‌شید راگه‌هاندیه : مه فه‌رمان بو هه‌می ژمێریارێن رێڤه‌به‌ریێن گشتى یێن سه‌ر ب وه‌زاره‌تا ساخله‌میێ ره‌وانه كریه كو پارێ هاندانێ هه‌تا بهێنڤه‌دانا جه‌ژنا قوربانێ لسه‌ر كارمه‌ندێن ساخله‌میێ دابه‌ش بكه‌ن.
ئه‌ڤه ده‌مه‌كێ دایه ماموستایێن كوردستانێ ژى چاڤه‌رێ وێ ئێكێ بوون كو پارێ هاندانێ به‌رى جه‌ژنێ لسه‌ر وان ژى بهێته دابه‌شكرن، به‌لێ سه‌روكێ ئێكه‌تیاماموستایان راگه‌هاندیه: هه‌تا نها چ ژڤان ژبو دابه‌شكرنا پارێ هاندانا ماموستایان نه‌هاتینه دیاركرن و دیاركریه وه‌زاره‌تا دارایى مژویلی دابه‌شكرنا مووچی هه‌یڤا 6 یێ فه‌رمانبه‌رێن هه‌رێمێ یه .
تُتاح هذه الصورة أيضا في: کوردی