وەزیرێ دەرڤهيێ تورکیا: هەرەشەيا راستەوخۆ ل هەرێما کوردستانێ ناکەین
رووداو – هەولێر
وەزیری دەرەوەی تورکیا دەڵێت، مەبەستیان لە “سزای قورس و باجدان” هەڕەشەی راستەوخۆ نییە بۆ سەر هەرێمی کوردستان، بەڵکو “گشتپرسییەکە خۆی مەترسییەکی گەورەیە لەسەر ئاسایشی ناوچەکە و نانەوەی گرژی و ئاڵۆزی”.
لە هەڤپەیڤینێکدا لەگەڵ کەناڵی “ئەلعەرەبییە”ی سعودی، مەولوود چاوشئۆغڵو، وەزیری دەرەوەی تورکیا دەڵێت: “لەماوەی رابردوو پشتگیریمان لە حکومەتی هەرێمی کوردستان و پێشمەرگە کردووە و هیچ کێشەیەکمان لەگەڵ کوردانی سووریا، تورکیا و عێراق نییە.. بەڵام گشتپرسی هەرێمی کوردستان خزمەت بە سەقامگیری ناوچەکە ناکات و گرژی و ئاڵۆزی زیاتر دروستدەکات”.
چاوشئۆغڵو هۆشداری دا تاوەکو رۆژی هەینی 22-9-2017 کە ئەنجوومەنی ئاسایشیی نیشتمانی و ئەنجوومەنی وەزیرانی تورکیا کۆدەبنەوە و هەڵوێستی فەرمی لەبارەی گشتپرسییەکە دەردەبڕن، “هەرێمی کوردستان گشتپرسییەکەی هەڵپەسێرێت و لە بڕیارەکەی پەشیمانبێتەوە”.
چاوشئۆغلو هۆشداری دەدات، “ئەگەر ئەم گشتپرسییە لە عێراق بەڕێوەبچێت لەوانەیە شەڕی ناوخۆ درووستبێت و ئێمەش پشتگیری لە سەروەری خاکی عێراق دەکەین”.
ئەوەش لەکاتێکدایە ئەمڕۆ (دووشەممە 18-9-2017) لە نیویۆرک مەولوود چاوشئۆغڵو، وەزیری دەرەوەی تورکیا و فەلاح مستەفا، بەرپرسی فەرمانگەی پەیوەندییەکانی دەرەوەی هەرێمی کوردستان لەبارەی گشتپرسی کۆبوونەوە.
تُتاح هذه الصورة أيضا في: کوردی