خەلكێ شنگالێ پشتەڤانیا ریفراندۆما كوردستانێ دكن
تۆرا لالش یا راگەهاندنێ/حەیدەر عەرەبو
بریارە ل 25/9/2017ێ،پرۆسا ریفراندۆمێ ل هەرێما كوردستانێ بێتە ئەنجام دان،خەلكێ كۆمەلگەها بۆرك ل قەزا شنگالێ ڤێ رۆژێ وەك رۆژەكا مێژووی ب ناڤ دكن و پشتەڤانیا خۆ بۆ ریفراندۆمێ دووپات دكن.
دڤی واری دا”ئبراهیم دورمەس”پێشمەرگە و گەنجەكێ كۆمەلگەها بۆرك گۆت:” ریفراندۆم تشتێ هەرە پیرۆزە ل جەم مە،ئامادەینە ب خوونا خۆ بێژم بەلێ دا تۆلا جانگۆریێن خۆ ڤەكن و ژ بن دەستێ شوفینێ ئەرەبا رزگار ببەن”.
هەروەسا”رەشو ایزدو قەرو”موختارێ گوندێ گرێ ئەرەبا ل كۆمەلگەها بۆرك دبێژت:” خەلكێ گوندی ئامادەیە ب دل و گیان پشتەڤانیێ ل ریفراندۆما سەربەخۆیا كوردستانێ بكن ب دەنگی بەلێ بۆ ریفراندۆمێ و ب گەرمی دێ پێشوازیێ لێ كن”.
“شێخ میرزا” مجێورێ قوبا شێشمس خویاكر:”هەكە بێژن بەلێ دێ چارەنڤیسا خۆ دیاركن و دێ ژ فەرمانا رزگار بن ودێ پاشەرۆژا خۆ گەش و خۆش كن”.
ژلایەكێ دیڤە”خدر ئلیاس” بەرپرسێ رێكخراوا قامشلو سەر ب لقێ 17یێ پارتی دیموكراتی كوردستان ڤە دیاركر:”رۆژا 25/9 رۆژەكا مێژوویی یە،پێتڤیە ئەم گرنگیێ پێ بدەن و دەرفەتەكا زێرین بۆ مە هاتیە چێ نابت ژ دەست بدەین”.
ژبال خۆڤە”نایف عەزیر”كەسایەتیەكێ هۆزا كوركۆركا رۆنكر:”ئەڤ رۆژە یە گرنگە بۆ مە و داخوازێ ژ خەلكێ خۆ دكەم هەموو پێكڤە ل رۆژا 25/9 بچنە سەر سندوقێن دەنگدانێ و بێژن بەلێ بۆ دەولەتا كوردستانێ و ئەڤ رۆژەكا زێرینە بۆ ئێزدیان”.
تُتاح هذه الصورة أيضا في: کوردی