“بۆ ئارامیا دەڤەرێ ئەمریکا و رووسیا پێدڤی ب کوردستانێ یە”
دهۆک-KDP.info-
ب باوەریا مامۆستایەکی زانینگەها (ئارتۆکلۆ) یا تورکی، نها ل جیهانێ مژارا سەرخۆبوونا کوردستانێ بوویە بابەتێ هەری گەرمی قادا سیاسی یا دونیایێ، و چەندین وەڵاتان هەلویستێن خۆ ل دۆر ڤێ پرسێ ب راستە راست گۆتینە، و رووسیا و ئەمریکا ژی ل گۆر بەرژوەندیێن خۆ یێن تایبەت سەرەدەرێی ل گەل رەوشا نها دکەن.
(د.ئەکرەم ئۆنەن)، پسپۆرە دبیاڤێ سیاسەت و مەدیایێ دا، د داخویانیەکا تایبەتدا ژ ماڵپەرێ فەرمیی یێ پارتی دیموکراتی کوردستان را گۆت:” کوردان کارینە پەیوەندیێن خورت ل گەل ئەمریکا و رووسیا گرێبدەن، و نها کوردان ب ڤان هەردوو وەڵاتێن زلهێز پەیوەندیێن هەفپشک هەنە، کو ئەڤ هەردوو وەڵاتنە شەڕی تەرورێ و رێکخراوێن تەرۆری دکەن، ژبەر هندێ ژی نها ژبۆ ئارامیا دەڤەرێ ئەمریکا و رووسیا پێدڤی ب کوردانە.
(سەرۆک بارزانی)، گەلەک جاران جەخت ل وێ یەکێ کریە، پرسا ریفراندۆم و سەرخۆبوونا کوردستانێ نە پرسا کەسەکی یان لایەنەکی بەلکو پرس و خواستا گەلەکی یە، و دیارکریە کو پرسا سەرخۆبوونا کوردستانێ ژ دەستێ هەموو کەسی دەرکەتیە و کەتیە ددەستێ گەلی دا، نها ئیران و تورکیا د بزاڤێن بەردەوامدان کو گفاش و هەرەشەیێن مەدیایی ل سەر هەرێمی دکەن، پێدڤی ب ڤێ یەکێ(د.ئەکرەم ئۆنەن)ـی گۆت:” نها پرسا کوردی ژ دەستێ وەڵاتێن داگیرکەر دەرکەفتیە، و بۆ ئەمریکا و رووسیا دیاربوویە دڤێت چارەیەکێ ل پرسا کوردی بکەن، ژبەر ڤێ یەکێ ژی گفاش و داخوانییێن تورکیا و ئیرانێ توند بووینە.”
نها هەلویستێ رووسیا هەلویستەک ئەرێنی یە، و پێشتر رووسیا ژی ئاشکەراکربوو کو د بەرژەوەندییا کەسی دانینە رێگریێ ل نەفتا هەرێمێ بهیتە کرن، و (فلادیمێر پۆتین)ی سەرۆکێ رووسیا ئاماژە ب وێ کێ کریە کو وان پەیوەندیێن دیرۆکی ل گەل هەرێمێ هەنە،و گۆت هەرچەندە مە ماف نینە دەستبێخینە ناف کاروبارێن وەڵاتەکی بەلێ دێ رۆلەکی ئەرێنی گێرین ژبۆ هێوربوونا رەوشێ ل دەڤەرێ وەک (ئەکرەم ئۆنەن)، کو باورنامەیا خۆ د بیاڤێ میدیایی ل رووسیا دا بدەست خستیە، ئاماژە ب وێ یەکێ دکەت، هەرچەندە هەلویستێ ئەمریکا ژبەر رەوشا ئالۆز و هەبوونا رێکخراوێن تیرۆری ب دروستی ئاشکەرا نەکریە، بەلێ رووسیا پشتەڤانێ هەرێما کوردستانێ یە، چونکی رووسیا دخوازیت ل باشووری کوردستانێ خودان رۆڵ بیت.
ب باوەریا پسپۆر و چاڤدێران ئەمریکا راستە راست نکاریت هەلوەست و پشتەڤانیا خۆ بۆ سەرخوەبوونا کوردستانێ دیاربکەت، و دبێژن ئەمریکا مامەلەیێ ل گەل وێ رەوشی دکەت ئەوا ئەم بخۆ دروست دکەین.
ڤی مامۆستایێ زانینگەهێ د بەشەکی دی یێ ئاخفتنا خۆدا ئاماژە ب وێ یەکێ کر، نها رووسیا و ئەمریکا کار بۆ ئاڤاکرنا سیستەمەکی نووی بۆ جیهانێ دکەن، بەلێ هەبوونا رێکخراوێن تیرۆری گەفن بۆ ڤی سیستەمی، ژبەر هندێ ئەو پێدڤی ب کوردانن، و و دڤێت کورد ڤێ یەکێ بخۆ باش ببینن و یەکێتیەکا خۆە ئاڤا بکەن،و سیاسەتەکا هەفپشک بۆ بەرژوەندیێن خۆە ب رێڤە ببەن.
تُتاح هذه الصورة أيضا في: کوردی