لدۆر دەڤەرێن ناکوکی ل سەر فره‌نسا داخوازه‌ك ژ هه‌ولێر و به‌غدایێ كر
WAAR-دهۆك:
پەیڤدارا وەزارەتا دەرڤە یا فرەنسا راگەھاند: پێدڤییە پرسا دەڤەرێن ناکوکی ل سەر ب رێیا دانوستاندنان بھێنە چارەکرن.
ئاگنێس رۆماتێت، پەیڤدارا وەزارەتا دەرڤە یا فرەنسا د پرێسکۆنفرانسەکێ دا راگەھاند: فرەنسا دخوازێ ژ حکومەتێن ھەرێم و بەغدا دکەت، ئالۆزیێن دەڤەرێن ناکووکی ل سەر ل گۆر دەستوورێ ئیراقێ و یاسایێن نێڤدەولەتی یێن مافێن مرۆڤان بھێنە ئێکلاکرن.
ھەروەسا داخواز ژ ھەموو بەرپرسێن ھەرێم و ئیراقێ کر، خوە ژ ئالۆزییان دوور بکەن و ب بەرپرساتی سەرەدەریێ د گەل رەوشێ بکەن.
ھەروەسا گۆت: پشتی ژناڤبرنا رێکخستنا تیرۆرستی یا داعشێ ژ روویێ سەربازی ڤە، قوناغا ئاشتی و ئاڤەدانکرنێ ل ئیراقێ دێ دەستپێکەت و فرەنسا ژی دێ پشتەڤان بیت.
تُتاح هذه الصورة أيضا في: کوردی