جێگرێ ترامپی پهیوهندی ب سهرۆكێ ههرێما كوردستانێ كر
waar – دهوك :
جێگرێ دۆنالد ترامپ سهرۆكێ نوو ههلبژارتی یێ ئهمریكا، پهیوهندی ب مهسعوود بارزانی سهرۆكێ ههرێما كوردستانێ كر و پشتهڤانییا ترامپی بۆ گهلێ كورد و هێزێن پێشمهرگهی راگههاند.
ل گۆری راگههاندنهكا سهرۆكایهتییا ههرێما كوردستانێ، ئهڤرۆ مایك پێنس جێگرێ دۆنالد ترامپ سهرۆكێ نوو ههلبژارتی یێ ئهمریكا، ب رێیا تهلهفۆنێ پهیوهندی ب مهسعوود بارزانی سهرۆكێ ههرێما كوردستانێ كر و ب ناڤێ ئیدارهیا نوو یا ئهمریكا، پهسنا رۆلێ هێزێن پێشمهرگهی د شكاندنا تیرۆرستێن داعشێ دا كرییه و باسێ خهبات و قۆربانیدانا گهلێ كورد كرییه.
دیسان جێگرێ سهرۆكێ نوو ههلبژارتی یێ ئهمریكا، تهماما پشتهڤانییا دۆنالد ترامپ و ئیدارهیا ناڤهندی یا ئهمریكا، بۆ گهلێ كورد و هێزێن پێشمهرگهی راگههاندییه و دیاركرییه كو هاریكاریێن وان بۆ ههرێما كوردستانێ دێ بهردهوامبن.
سهرۆكایهتییا ههرێمێ دایه زانین ژی كو بارزانی و مایك پێنسی، دوپاتی ل بهرفرههكرنا پهیوهندیێن د ناڤبهرا ئهمریكا و ههرێما كوردستانێ دا كرییه و بارزانی ئاماژهكرییه كو گهلێ كورد گهلهك قۆربانیدایه و هیڤی خواستییه كو ئیدارهیا نوویا ئهمریكا، پشتهڤانیێ ل داخوازیێن رهوا یێن گهلێ كورد بكهت.
تُتاح هذه الصورة أيضا في: کوردی