وه‌زاره‌تا پێشمه‌رگه‌ی: پرۆسا رێكخستنا هه‌یكه‌لێ وه‌زاره‌تێ قۆناغێن باش بڕینه
WAAR-دهۆك:
وه‌زاره‌تا پێشمه‌رگه‌ی راگه‌هاند؛ به‌رنامێ چاكسازیێن ناڤ وه‌زاره‌تێ ب هاریكارییا هه‌ڤپه‌یمانان به‌رده‌وامه و قۆناغێن باش بڕینه.
عه‌مید هه‌لگورد حكمه‌ت رێڤه‌به‌رێ راگه‌هاندن و هشیارییا نه‌ته‌وه‌یی ل وه‌زاره‌تا پێشمه‌رگه‌ی گۆت: به‌رنامێ چاكسازیێن ناڤ وه‌زاره‌تێ ب هاریكارییا هه‌ڤپه‌یمانان به‌رده‌وامه و تاكه كێشه‌یا د رێیا وان دا، روودانێن ڤێ داویێ یێن كه‌ركووك و ده‌ڤه‌رێن كوردستانی نه، نها پلانا سیسته‌مه‌كی دهێته دانان كو هه‌موو پێشمه‌رگه ب هه‌ڤپشكی خودان یه‌ك ماف بن و ل گۆره‌یی ئێك سیسته‌م بریاران وه‌رگرن.
گۆت ژی: وه‌لاتێن هه‌ڤپه‌یمان ل سه‌ر هاریكاریكرنا هێزێن پێشمه‌رگه‌ی و مه‌شقكرن و پڕچه‌ككرنا وان به‌رده‌وامن و وان په‌یمان دایه تا ته‌مامبوونا پرۆژەیێ رێكخستنا وه‌زاره‌تێ ژی، ب هه‌موو ره‌نگان پشته‌ڤان و هاریكاربن.
تُتاح هذه الصورة أيضا في: کوردی