سوپایێ ئیراقێ: هێلا سنۆری ژ شنگالێ تا قائیم هات كۆنترۆل كرن
WAAR-دهۆك:
سوپایێ ئیراقێ ئهڤرۆ كونترۆل كرنا تهڤاهییا سنۆرێ دگهل وهلاتێ سووریێ ژ تیرۆرستێن داعشێ راگههاند.
سوپایێ ئیراقێ ئهڤرۆ د راگههاندنهكێ دا دیاركرییه، تهڤاهییا سنۆرێ ل ناڤبهرا ئیراقێ و سووریێ ژ شنگالێ تا دهڤهردارییا قائیم ژ تیرۆرستێن داعشێ هات پاقژكرن.
ئهڤ راگههاندنا سوپایێ ئیراقێ ل دهمهكی یه، هێزێن ئیراقێ د بهردهوامییا ئۆپهراسیۆنا بادییه و جهزیره دا، 16 تیرۆریستێن داعشێ ل سنۆرێن ئیراقێ و سووریێ كوشتن، ژمارهیهكا ترومبێلێن بارههلگر ژی ژ ناڤبرن.
شانهیا راگههاندنا چهنگی راگههاند؛ فرۆكهیێن ههڤپهیمان د بهردهوامییا قۆناغا دوێ یا ئۆپهراسیۆنا بادیه و جهزیره دا، شییان د 8 هێرشان دا ل دژی داعشێ ل ناوچهیا تهل قهسهب یا سنۆرێ سووریێ 16 تیرۆرستێن داعشێ بكوژن.
ههروهها 4 ترومبێلێن بارههلگر كو تیرۆریستێن داعشێ تێدا بوون ل سنۆرێن ئیراقێ و سووریێ ژ ناڤبرن.
هێزێن ئیراقێ، د قۆناغا نوو یا ئۆپهراسیۆنا بادیه و جهزیره دا كو دوهی دهستپێكرییه، 35 گوند د نێڤبهرا پارێزگهها مووسل و ئهنبار دا پاقژ كرینه، ئهڤرۆ ژی كۆنترۆل كرنا تهڤاهییا سنۆرێ دگهل سووریێ راگههاند.
تُتاح هذه الصورة أيضا في: کوردی