نێچیرڤان بارزانی: پێکھاتەیێن کوردستانێ نه کەمینە نه
WAAR-دهۆك:
سەرۆکوەزیرێن ھەرێما کوردستانێ راگەھاند؛ پێکھاتەیێن کوردستانێ کەمینە نینن، بەلکو خەلکێ رەسەن یێ ڤی وەلاتی نە.
نێچیرڤان بارزانی سەرۆکوەزیرێن ھەرێمێ و جێگرێ وی قوباد تالەبانی ب ھەڤالینیا شاندەکا حکومەتێ دگەل ئالیێن سیاسی یێن کلدان ئاشوری و سریان ل ھەرێما کوردستانی کۆمبوون، تێدا شاندا کریستیانان بەحس ل پاراستنا مافێن پێکھاتەیان كر و دلگرانییا خوە ل ھەمبەر رەوشا نھا یا دەشتا نەینەوا نیشاندا و داخواز ژ حکومەتا ئیراقێ کر ھێزێن خوە ل دەڤەرێ کێم بکەت و حکومەتا ھەرێمێ پێنگاڤان بۆ پاراستنا دەڤەرێ بگریتە بەر.
ژ ئالیێ خوەڤە نێچیرڤان بارزانی دوپاتکر پێکھاتەیێن کوردستانێ کەمینە نینن، بەلکو خەلکێ رەسەن یێ ڤی وەلاتی نە و گۆت: پێدڤییە مافێن ھەموو پێکھاتەیان ب قانوون بھێنه دابینکرن، ئاماژەکر ژبەر ئێمناھیا ھەرێما کوردستانێ، دەما دەڤەرێن ئیراقی تووشی کارەساتان دبن،ههموو پێكهات بەرێ خوە د دەنه ھەرێمێ و حکومەتێ ژی خەمساری د ڤی واری دا بۆ هاریكارییا وان نهكریە.
سەرۆکوەزیرێن ھەرێمێ گۆتژی: ب ئێکرێزیێ ئالیێن کریستیان د کارن کومالگەھا خوە زێدەتر بەرەڤ پێش ببن و تەکەز کر ب وێ پێنگاڤێ ژی دێ رەنگڤەدان ل سەر پێشکەفتنا کومالگەھا کوردستانێ ب شێوەیەکێ گشتی ھەبیت.
تُتاح هذه الصورة أيضا في: کوردی