حكومهتا ههرێمێ: راپۆرتا یۆئێنێ ل دۆر خورماتوو د ئاستێ پێدڤى دا نینه
WAAR-دهۆك:
حكومهتا ههرێما كوردستانێ ههلوهستێ خوه دهربارهیى راپۆرتا نهتهوهیێن ئێكگرتى یا ل دۆر رهوشا دوزخورماتوو و كهركووكێ بهلاڤكر و راگههاند؛ راپۆرتا یۆئێنێ د ئاستێ پێدڤى دا نینه.
د راگههاندنهكێ دا، ئۆفیسا بهرسڤدانا راپۆرتێن نێڤدهولهتى یا حكومهتا ههرێمێ دیاركر، پشتى روودانێن شازدهى ئوكتوبهرێ، وان داخواز ژ نهتهوهیێن ئێكگرتى و رێكخستنێن دى یێن جیهانى كر، ههرزوو دهست ب لێكولینێ ل دهڤهرێن كوردستانى و ب تایبهت ل كهركووك و دوزخورماتوو بكهن، بۆ ڤێ یهكێ ژى نوونهرێ یۆئێنێ دو جاران سهرهدانا دوزخورماتوو كرییه.
دا یه زانین ژى كو داوى راپۆرتا نهتهوهیێن ئێكگرتى ل دۆر رهوشا دهڤهرێن كوردستانى و ب تایبهت ژى خورماتوو، د ئاستێ پێدڤى دا نینه، ژبهركو چ ژمارێن دروست د وێ راپۆرتێ دا نینن، د دهمهكى دا، حهشدا شهعبى گیان و مالێ كوردان كرییه ئارمانج و هزاران كورد دهربهدهر كرینه.
د داوى راپۆرتا بهلاڤكرى یا نهتهوهیێن ئێكگرتى دا، پشتبهستن ل سهر ئامارێن رێكخستنا جیهانى هاتبوو كرن، لێ ب گۆتنا حكومهتا ههرێمێ، ئهوا د كهتوارى دا رووددهت، گهلهك ژ وان ئاماران پتر و مهترسیدار تره.
تُتاح هذه الصورة أيضا في: کوردی