جڤاتا ساخلەمیا عەفرینێ: سوپایێ تورکیا غازا کلۆر بکارئینایە
WAAR-دهۆك:
جڤاتا ساخلەمیا عەفرینێ راگەھاند؛ سوپایێ تورکیا غازا کلۆر د ھێرشێن خوەیێن سەر وی باژاری دا بکارئینایە.
جڤاتا ساخلەمیا عەفرینێ د پرێسکۆنفرانسەکی دا راگەھاند؛ ئەنجامێن پشکنیان ل دۆر بۆمبەبارانا سوپایێ تورکیا ل سەر گوندێ ئەردەنێ سەر ب شیێێ ڤە ل رۆژا 16ی ڤێ مەھێ، ئاشکرا کریە کو غازا کلۆر ھاتیە بکارئینان.
جڤاتا ساخلەمیا عەفرینێ داخواز ژ رێکخستنێن ناڤدەولەتی یێن مافێ مرۆڤی کر، لێکۆلینێن سەربخوە و دوور ژ دەستوەردانا ھەر ئالییەکێ بکەن، بەرھەڤیا خوە ژی بۆ ھەر ھاریکاریەکێ بۆ وەرگرتنا نموونان دیار کر کو پشکنینان ل سەر بکەن.
رۆژا شازدەی ڤێ مەھێ د بۆمبەبارانەکا سوپایێ تورکیا دا ل سەر گوندێ ئەردەنێ سەر ب شیێێ ڤە، 6 وەلاتیێن سڤیل بریندار بوون، ھەر وی دەمی ژی ھاتبوو راگەھاندن کو ئەو بۆمبەباران ژەھراوی بوو.
تُتاح هذه الصورة أيضا في: کوردی