رۆسیا: پشتەڤانییا مافێن کوردان دکەین
WAAR-دهۆك:
وەزیرێ دەرڤە یێ رۆسیا پشتەڤانییا وەلاتێ خوە بۆ کوردان دوپات کر و راگەھاند: نابیت کورد ببنە پشکەک ژ یاریا سیاسی کو وان چ پەیوەندی پێڤە نەبن.
سێرگی لاڤرۆڤ، وەزیرێ دەرڤە یێ رۆسیا د کۆنگرەیێ رۆژھەلاتا ناڤین ل مۆسکۆ ل دۆر پرسا کوردان ل ئیراقێ گۆت: مۆسکۆ بەردەوام پشتەڤانییا مافێن دەستووری یێن کوردان دکەت و نابیت چو کەس یان ئالی داخازیێن کوردان بۆ بەرژەوەندیێن خو یێن سیاسی بکار بینیت.
ھەروەسا گۆت: کوردان دێرۆکەکا کەڤن ھەیە و پێدڤییە کورد خودانێن دیرۆک و کەلتۆرێ خوە بن و ھەلوەستێ رۆسیا ل ھەمبەر کوردان ناھێتە گوھرین.
لاڤرۆڤی ل دۆر پرسا عەفرینێ ژی راگەھاند؛ ژ بۆ ئارمانجا ئارامکرنا رەوشێ، گۆتوبێژێن وان د گەل بەرپرسێن حکومەتا سووریێ و نوونەرێن کوردان بەردەوامن داکو پرسا کوردان ب چ رێکێن دی نەھێتە بکارئینان کو ھندەک ئالی دخوازن کوردان د ناڤا یاریا سیاسی دا بکار بینن کو وێ یاریێ چو پەیوەندی ب کوردان ڤە نینە.
تُتاح هذه الصورة أيضا في: کوردی