ئەڤرۆ ئێکەم گەشتا ئاسمانی گەھشتە فرۆکخانەیا ھەولێرێ
WAAR-دهۆك:
ئەڤرۆ گەشتا ئێكێ یا نێڤدەولەتی گەھشتە فرۆکخانەیا ھەولێرێ پشتی نێزیکی 5 مەھـ و نیڤان ژ راگرتنا گەشتان ژ ئالیێ حکومەتا بەغدا ڤە.
ئەڤرۆ فرۆکخانەیا ھەولێرێ یا نێڤدەولەتی ب فەرمی ل ھەمبەر گەشتێن ئاسمانی یێن نێڤدەولەتی ھاتە ڤەکرن و سات 7ێ سپێدێ فرۆکەکا عەرەبستانا سعوودیێ گەھشتییە فرۆکخانەیێ و بریارە ب ھەژمارەکا عومرەکارێن ھەرێما کوردستانێ ڤە ڤەگەریتە وی وەلاتی.
ھەر ئەڤرۆ سات 5ێ ئێڤاری گەشتەکا کۆمپانیا فلای دوبەی دێ گەھیتە ھەمان فرۆکخانێ و سات 6 و 20 خولەک دێ ڤەگەریتە دوبەیی.
وەک کارڤەدانەک ل ھەمبەر رێفراندۆما سەرخوەبوونا ھەرێما کوردستانێ حکومەتا ئیراقێ پشتی 25 ئیلۆنێ کۆمەکا سزایان کو داناڤا وان دا راگرتنا گەشتێن ئاسمانی یێن ھەردو فرۆکخانەیێن ھەولێر و سلێمانی بوون خستنە سەر ھەرێمێ، ل رۆژا پازدەیێ ڤێ مەھێ ژى ب بریارەکا حەیدەر عەبادی، سەرۆکوەزیرێن ئیراقێ ھەردو فرۆکخانە دوبارە ل ھەمبەر گەشتێن نێڤدەولهتی ھاتنە ڤەکرن.
تُتاح هذه الصورة أيضا في: کوردی