یلدرم: بێی رازیبوونا بەغدا چو ئۆپەراسیۆنان دژی پەکەکێ ناکەین
WAAR-دهۆك:
سەرۆکوەزیرێن تورکیا ئەڤرۆ پەیوەندییەکا تەلەفۆنی د گەل سەرۆکوەزیرێن ئیراقی کر و دوپات کر، بێی رازیبوونا بەغدا چو ئۆپەراسیۆنا دژی گەریلایێن پەکەکێ ل ناڤا سنۆرێن ھەرێما کوردستانێ ناکەن.
بینالی یلدرم بۆ حەیدەر عەبای ئاشکرا کر، تورکیا رێزێ ل سەروەرییا ئیراقێ دگریت و ئەو چو کاران ناکەن زیانێ بگەھینیتە سەروەرییا ئاخا ئیراقێ.
ژئالییێ خوە حەیدەر عەبادی، سەرۆکوەزیرێن ئیراقێ ئاشکرا کر، سوپایێ ئیراقێ ھەموو سنۆرێن وەلاتێ خوە کونترۆل کرینە، ھەموو زێدەگاڤییێن تورکیا ژی ل سەر سنۆرێ ئیراقێ رەت کرن.
پێشتر سەرۆککۆمارێ تورکیا راگەھاند بوو؛ ئاگاھی گەھشتینە وان کو سوپایێ ئیراقێ ئۆپەراسیۆنەک ل شنگالێ کرییە و ھیڤی خواست بوون ئەو ئۆپەراسیۆن سەرکەڤیت و گۆت بوو: گەر ئیراق رێکارێن پێدڤی نەگریتە بەر، تورکیا دێ یا پێدڤی کەت.
ژ ئالییەکێ دی کاوە شێخمووس، ئەندامێ سەرکردایەتییا پەکەکێ بۆ ئاژانسا سپۆتنیک ئاشکرا کر، گەر تورکیا ھێرشی شنگالێ بکەت دێ ب ھەموو ھێزا خوە بەرسینگێ وان گرن.
تُتاح هذه الصورة أيضا في: کوردی