“بهێزبوونا کوردان ل سوریا دێ بیتە کووراتیەکا ئیستراتیژى بو هەرێما کوردستانێ”
دهۆک-KDP.info-
شرۆڤەکارێ سیاسى دبێژیت، ئەمریکا حکومرانیەک ل سوریێ دڤێت نەبیتە گەف و مەترسى لسەر وەلاتێ ئیسرائیلێ، دیسان ئیرانێ پێگەهەکێ لاواز ل سوریێ هەبیت و ئەڤ ناکوکیێن هەین تا نوکە نەبوونا کەسەکییە ژوونا بەشار ئەسەدى حوکمى ل سوریا بکەت، کوردان ژى پێدڤى ب بەرەیێ ئێکگرتنێ هەیە داکو پەرژەوەندیێن خۆ ل رۆژهەلاتا ناڤین ب پارێزن.
د.سەردار موسا، مامۆستایێ زانینگەهێ و شرۆڤەکارێ سیاسى گۆت:” تا نوکە جڤاتا نیڤدەولەتى لسەر پێگهورێ رژێما ئەسەدى ل سوریایێ رێک نەکەفتینە و کەسەک دەستنیشان نەکریە کۆ دەستهەلاتا سوریێ و ئێک پارچەییا وێ ب پارێزیت، کۆ ئەو بەرەلاییا ل عیراقێ دروست بوویى ل سوریێ دوبارە نەبیتەڤە، دیسان ئەڤێ حکومرانیێ ل سوریێ دکەت نەبیتە گەف و مەترسى لسەر وەلاتێ ئیسرائیلێ، دیسان ئەمریکا هەمى پەنایێ دبەت ئیرانێ پێگەهەکێ لاواز ل سوریێ هەبیت “.
شرۆڤەکارێ سیاسى ئاماژەدا:” بەشار ئەسەد تاکە بژاردەیە بۆ ئیسرائیل و ئەمریکا کۆ بشێت وان گەفێن لسەر ئیسرائیلێ هەین ب پارێزیت، هەروەسا د چارچوڤەیى دەولەتا سوریێ دا بمینیت و ل سوریێ چ ئوپوزسیونێن بهێز نینە کۆ پاشەرۆژا سوریێ رێکبێخن”.
وەلاتێن پشکدار دڤێ ناکوکیێ دا نەرێکەفتینە و نەشیاینە ئوپوزسیونەکا بهێز ل سوریێ دروست بکەن کۆ بشێت نوونەراتیا هەمى خەلکێ سوریایێ بکەت وەک د. سەردار موسا دیارکرى:” کوردێن سوننە و عەرەبێن سوننە ژ هەڤ دترسن و عەرەبێن سوننە و عەربێن شیعە ژى ب هەمان شێوە، کۆ ئوپوزسیون نەشیان سەنگ و هێزا خۆ دناڤ جڤاکێ سوریادا بهێز بکەت داکو ل بەرامبەر ئەسەدى براوستیت، هەر چەندە ئەمریکا دەست ژ ئوپوزسیونا سوریێ بەردا و دەست ب پێشتەڤانیکرنا هێزێن کوردى کر ل سوریا، بەلێ ئاریشە دناڤبەار کوردا و تورکیادا چارەسەر نەبن چ تشتێ رون و ئاشکەرا ل سوریا روونادەت، ژبەر هندێ ئوپوزسیونەکا بهێز دێ کارتێکرنەکا مەزن هەبیت.
چارەنڤیسێ سوریێ و پێگەهێ کوردان بەرەڤ کیڤە؟
مامۆستایێ زانینگەهێ بەحسکر، ئاخا سوریا دناڤبەرا پەرژەوەدیێن ئەمریکا و روسیادا پشککریە کو ئەمریکا گرنگیێ دەتە دەڤەرێن کوردى و روسیا گرنگیێ ددەتە دەڤەرێن لبن کنترولا رژێما ئەسەدى ڤە، ئەگەر ئەسەد بمینتە لسەر حوکمى یان شیعەیێن عەلوى پێگەهەک ل سوریێ هەبیت دێ داخوازیێ ژ ئیران پێشتەڤانیا وان بکەت، جونکى سوننەێن عەرەب زورینەیە و کورد ژى ب حکمێ سوننەنە دێ شێن ب شێوەکى سەرەدەریێ دگەل ئێک کەن، ژبەر هندێ پێگهورەکێ بهێز ل سوریا نەبیت دێ گەلەک وەلات ماتێکرنێ دناڤخویا سوریێ کەن و دێ بیتە مەترسى لسەر ئیسرائیلى کۆ ئیسرائیل کارتا فشاریە ددەستێ ئەمریکا و ئوروپادا.
دکتورى زەلالکر:” راستە ئەمریکا پێشتەڤانیا کوردان کریە، بەلێ کورد ل سوریێ دابەشکرینە لسەر پەیەدە و ئەنەکەسە و هندەک دگەل ئوپوزسیونا سوریێ نە، ژبەر هندێ پێدڤییە کورد بەرەکێ کوردى یێ ئێکگرتى دروست بکەن و ئیستراتیژیەکا رون و هەمیشەیى هەبیت، دیسان مفاى بخۆ ژ سەبورا هەرێما کوردستانێ وەربگریت بگرن ژ دارشتنا دستورى و بهێزکرنا پێگەهێ ئابۆرى و سیاسى لسەر ئاستێ نیڤدەولەتى و دابەشکرنا دەستهەلاتێ، ئەگەر کوردستان رۆژئاڤا کەفتە لژێر دەستهەلاتا سوریێ دێ کارتێکرنا نەرینى لسەر پێگەهێ هەرێما کوردستانێ کەت و بهێزبوونا کوردان ل سوریا دێ بیتە کووراتییا ئیستراتیژى بو هەرێما کوردستانێ، نەخشێ گهورینا رۆژهەلاتا ناڤین دێ دپەرژەوەندیا کوردستانێ دابیت ئەگەر د ئێکگرتى بن و سیاسەتەکا رون و ئاشکەرا بۆ نەتەوا کورد هەبیت.
تُتاح هذه الصورة أيضا في: کوردی