بۆ رێگرتن ل بایكۆتا پرۆسا سیاسی برێت مەکگۆرک دێ سەرەدانا سلێمانیێ کەت
ئەڤرۆ نیوز:
سەرەدانا برێت مەكگۆرگ نوونەرێ تایبەت یێ سەرۆكێ ئەمریكا بۆ سلێمانیێ بزاڤەکا چروپر یا ئەمریكایە بۆ رێگرتنێ ل بایكۆتكرنا پرۆسا سیاسی ل عێراقێ،کو نوکە شەش حزبێن كوردستانی وەك بریارەکا هەڤبەش گوتۆبێژ دكەن ، بەرپرسەکێ بزاڤا گۆڕان دیارکریە ل دوو سالێن بوریدا وان دوو جاران ئاخفتنێن ئەمریكا و ئیرانێ رەتكرینە.
برێت مەكگۆرك، ئەڤرۆ دووشەمبی یان سوبەهی سێشەمبی ژ بەغدا دێ هێتە سلێمانیێ و دێ ل گەل ئێكەتیێ و بزاڤا گۆران، هەڤپەیمانی بۆ دیموكراسی و دادپەروەریێ، نەوەی نوێ و كۆمەلێ و ئێكگرتوویێ كۆم بیت ، بۆ هندێ کو بزاڤا رازیكرنا وان حزبێن نەرازی بدەت ، کو دناڤا پرۆسا سیاسی یا عێراقێدا بمینن.
د ماوێ حەفتیا بوریدا، وان شەش لایەنا زێدەتر ژ 10 كۆمبوونان ل سلێمانیێ و هەولێرێ كرینە ، لێ وان لایەنان بڕیار دایە کو كۆمبوونێن خوە راوەستینن و چاڤەرێی بەرسڤا تانەلێدانێن خوە كەن ، هەکە ئەنجام ب دلێ ئەوان نەبوون، هەر حزبەک ژ وان دێ ل سەر ئاستێ سەركرداتیا خوە كۆمبوونەکا ئێكلاكەر کەت و پشتی هنگێ دێ ب راگەهاندنەکا هەڤبەش هەلویستێ خوە یێ دوماهیێ راگەهینن .
تُتاح هذه الصورة أيضا في: کوردی