وهزارهتا پهروهردهیێ رێژهیا دهرچوونا چهند تاقیكرنێن پۆلا 12 ئامادهی ئاشكهرا كرن
WAAR-دهۆك:
رێڤهبهرییا گشتی یا ئهزموونێن وهزارهتا پهروهردهیێ داتا و ئامارێن چهند تاقیكرنێن ویزاری یێن پۆلا دوازدهیی ئامادهیی ب ههردو بهشێن ویژهی و زانستی بهلاڤكرن و ههڤدهم لژنهیهك بۆ پرسیارێن وانهیا زیندهزانیێ ژی پێكئینا.
لگۆرهی وێ ئامارا رێڤهبهرییا گشتی یا ئهزموونێن وهزارهتا پهروهردهیێ بهلاڤكری، كو ئامار و داتایێن تاقیكرنێ ویزاری یێن ئابۆری و ئنگلیزی و جۆگرافیایێ ل بهشێ وێژهی و وانهیێن كیمیا و ئنگلیزی و فیزیا ل بهشێ زانستی بهلاڤكریینه و تێدا دیاربوویه كو رێژهیا دهرچوونێ د تاقیكرنێ بهشێ وێژهیی دا ب رێژهیا بیست ژ سهدێ بوویه و ل بهشێ زانستی ب رێژهیا بیست و شهش ژ سهدێ بوو.
لدۆر گۆمانا ل سهر چهند پرسارێن زیندهزانیێ رێڤهبهرییا گشتی یا ئهزمۆنان ئاشكهرا كر: ئهڤرۆ پتری بیست مامۆستا و پسپۆران د وانهیا زیندهزانیێ دا دگهل لژنهیا هووربینیێ كۆمبووینه و گوتوبێژ ل سهر ههمی پسیاران كرییه ژ بۆ كو غهدر ل نمرهیێن پۆلا دوازدهی زانستی نههێنه كرن و لژنهیا دانانان بهرسڤێن نموونهی و هووربینیا پسیاران، رۆژانه كۆمبوونان ئهنجامدهن بهرژهوهندییا فێرخوازان ل بهر چاڤ وهردگرن.
د راگههاندنێ دا هاتیه ژی: وهزارهتا پهروهردهیێ بریار دایه ههر قوتابیهكێ قوپیایێ ب بلۆتوس و ئامیرێن ئهلكترۆنی و رێێن دیتر بكاربینیت، دێ ئهڤساله ب نهدهرچوو هێته ههژمارتن و سالا بهێت ژی پشكداری تاقیكرنان نابیت.
تُتاح هذه الصورة أيضا في: کوردی