پارتی و ئێکەتی: ھەڤپەمانییا سەدر و عامری گاڤەکا ئەرێنیە

پارتی و ئێکەتی: ھەڤپەمانییا سەدر و عامری گاڤەکا ئەرێنیە
WAAR-دهۆك:

ھەردو مەکتەبێن سیاسی یێن پارتی و ئێکەتی ل دۆر ھەڤپەیمانییا سەدری و عامری راگەھاند؛ ئەو وێ گاڤێ ب ئەرێنی دزانن و ئەو یەک دێ بیتە نەخشەرێیەکا سیاسی بۆ دەربازبوونێ ژ رەوشا نھا یا ئالۆز.

پارتی و ئێکەتی د بەیانەکێ دا کو دانەیەک بۆ وار ھاتیە ھنارتن راگەھاند؛ ئەوان خوە و گەلێ کوردستانێ ژ ترس و کێشەیێن کوردستانێ و ئیراقێ دوور کرییە و گەلەک بزاڤ ژی کرینە ببنە پشکەک ژ چارەسەرییان.
پارتی و ئێکەتی ئاشکرا کر، شڤێدی ب ھیمەتا دلسۆزان بۆ دەربازکرنا ئیراقێ ژ ئالۆزییێن سیاسی، ھەڤپەیمانییا فتح و سایروون ھاتە پێکئینان و ئەو گاڤەکا ئەرێنییە و دێ بیتە نەخشەرێیەکا سیاسی بۆ دەربازبوون ژ ئالۆزییا سیاسی یا نھا.
پارتی و ئێکەتی گۆت ژی: دەمەکێ نێزیک دێ دانوستاندنان دناڤبەرا خوەدا کەن و دێ شاندەکێ ھەڤپشک بۆ دانوستاندنان د گەل ئالییێن دی پێکئینن.
پارتی و ئێکەتی ھیڤی خواستن ھەموو ئالییێن ئیراقی و کوردستانی خالێن ھەڤپشک ب سەر خالێن ناکوک دا زال بکەن و حکومەتەکا نشتیمانی پێکبینن و ئێکرێزییا نشتیمانی بپارێزن.

تُتاح هذه الصورة أيضا في: کوردی