په‌یڤدارێ سه‌دری: ده‌رگه‌هێ هه‌ڤپه‌یمانییا سائیروون و فه‌تح بۆ كوردان ڤه‌كرییه
WAAR-دهۆك:
په‌یڤدارێ رێبه‌رێ ره‌وتا سه‌دری راگه‌هاند؛ ده‌رگه‌هێ هه‌ڤپه‌یمانییا سائیروون و فه‌تح بۆ كوردان یێ ڤه‌كرییه و هه‌ر ده‌مه‌كی دشێن بهێنه ناڤ رێككه‌فتنا پێكئینانا حكومه‌تێ.
د به‌یاننامه‌یه‌كێ دا جه‌عفه‌ر موسه‌وی په‌یڤدارێ رێبه‌رێ ره‌وتا سه‌دری دیاركر، شڤێدی ل گه‌ل هادی عامری سه‌رۆكێ هه‌ڤپه‌یمانییا فه‌تح گه‌هشتنه رێككه‌فتنێ و رێككه‌فتنا وان یا به‌رییا نها ژی ل گه‌ل عه‌مار حه‌كیم و ئه‌یاد عه‌لاوی وه‌ك خوه مایه.
گۆت ژی: ده‌رگه‌هێ هه‌ڤپه‌یمانییا وان بۆ ئالیێن كوردی و حه‌یده‌ر عه‌بادی یێ ڤه‌كرییه و هه‌ر ده‌مه‌كی دشێن بهێنه ناڤ رێككه‌فتنا پێكئینانا حكومه‌تێ.
هه‌ڤده‌م مه‌كته‌بێن سیاسی یێن پارتی و ئێكه‌تیێ هه‌ر شڤێدی، پێشوازی ل هه‌ڤپه‌یمانییا نوویا فه‌تح و سائیروون كر و راگه‌هاندن، د نێزیك دا پارتی و ئێكه‌تی دێ شانده‌كا هه‌ڤپشك هنێرنه به‌غدا.
تُتاح هذه الصورة أيضا في: کوردی