کۆمسیۆنا ھەلبژارتنان چەند بڕیارەکێن نوو دەرخستن
ئەڤرۆ نيوز:
کۆمسیۆنا بلندا سەربخوە یا ھەلبژارتنان ل عیراقێ چەند بڕیارەکێن نوو دەرخستن و ل گۆرەی وان بڕیاران ژی، پێدڤیە رێڤەبەرێن گشتی یێن کۆمسیۆنێ ھەر کەلوپەلەکێ کۆمسیۆنێ ل نک ھەبیت ڤەگەڕینن، ژ بلی باج و چەکێ وان.
ل دووڤ فەرمانەکا کارگێری یا کۆمسیۆنا بلندا سەربخوە یا ھەڵبژارتنان ل عیراقێ کو دوھی 23/6/2018، دەرکەفتیە و تێدا ھاتیە: “بڕیار ھاتە دان بۆ دەمێ ھەیڤەکێ مۆلەت بۆ ھەموو رێڤەبەرێن گشتی یێن کۆمسیۆنێ ل پارێزگەھێن عیراقێ بھێتەدان، ھەر ژ وێ رۆژا دادوەر ل جھێ وان رێڤەبەران دەست ب کاری دکەن”.
دیسا ھەر د وێ فەرمانێ دا دیار کریە کو پێدڤیە رێڤەبەرێن گشتی یێن کۆمسیۆنێ ھەر کەلوپەلەکێ کۆمسیۆنێ ل نک ھەبیت ڤەگەڕینن، ژ بلی باج و چەکێ وان و تێدا ھاتیە: “کۆمسیۆنێ بڕیارا دای ب چو رەنگەکی نابیت د وی دەمێ مۆلەت بۆ رێڤەبەرێن گشتی یێن کۆمسیۆنێ ھاتیەدان، ئەو ترۆمبێلێن کۆمسیۆنێ یێن ل نک وان ھەین بکاربینن”.
ئەڤە ژی د دەمەکی دایە جڤاتا بلند یا دادوەریێ ل عیراقێ 27 دادوەر بۆ کاروبارێن کۆمسیۆنا بلندا سەربخوە یا ھەلبژارتنان دیار کرینە.
ژ وان دادوەران 18 بۆ سەرپەرشتیکرنا ئوفیسێن کۆمسیۆنا بلندا سەربخوە یا ھەلبژارتنان ل پارێزگەھێن عیراقێ و ھەرێما کوردستانێ ھاتینە دیارکرن.
وەکو دیار ئەو دادوەرە دێ سەرپەرشتیا ب دەست ھژمارتنا دەنگێن ھەلبژارتنێن 12 گۆلانێ یێن پەرلەمانێ عیراقێ بکەن.
تُتاح هذه الصورة أيضا في: کوردی