سوبه پهڕلهمان دێ بهردهوامیێ ب راستڤهكرنا پهیرهوێ ناڤخوه دهت
WAAR-دهۆك:
بریاره سوبه پهڕلهمانێ كوردستانی كۆمببیت و بهردهوامیێ ب راستڤهكرنا پهیرهوێ ناڤخوه بدهت و خواندنا ئێكێ یا ژمارهیهكا پرۆژهقانوون و بریاران بكهت.
د راگههاندنهكێ دا دهستهیا سهرۆكاتییا پهڕلهمانێ كوردستانێ دیاركرییه، سوبه رۆژا دوشهمبی سعهت 11ی سپێدێ، پهڕلهمان دێ روونشتنهكا دی یا ئاسایی یا ڤێ خۆلا بهارێ كهت و تێدا، بهردهوامییێ ب گۆتوبێژا راستڤهكرنا قانوونا پهیرهوێ ناڤخوه دهت و خواندنا ئێكێ یا پرۆژهقانوونا بهرههمێ جوتیاران ژی هێته كرن.
ههروهسا ل گۆرهیی سهرۆكاتییا پهڕلهمانی، دێ راستڤهكرنا قانوونا كرێدانا خانوبهران هێته كرن و خواندنا ئێكێ یا پرۆژهقانوونا رێیێن گشتی یێن ههرێمێ، ل گهل پرۆژهبریارا تهملیككرنا پارچه زهڤیێن زێدهگاڤی، هێته كرن.
پێشتر د دو روونشتنێن ئاسایی دا پهرلهمانێ كوردستانێ، گۆتوبێژا راستڤهكرنا پهیرهوێ ناڤخوه یێ پهڕلهمانی دهستپێكرییه و تا ب دوماهی هاتنا ههموو برگهیێن پهیرهوی، روونشتن دێ بهردهوامبن.
تُتاح هذه الصورة أيضا في: کوردی