عەفرین.. چەکدارێن ئۆپۆزسیۆنێ 15 مالێن کوردان سۆتن
WAAR-دهۆك:
چەکدارێن ئۆپۆزسیۆنا سوورییێ یێن سەر ب تورکیا ڤە 15 مالێن گوندەکێ عەفرینێ سۆتن و ھەشت کەس ژی رەڤاندن.
ل گۆرەی ئاگاھییێن مەدیایێن رۆژئاڤایێ کوردستانێ؛ دوھـ ئێڤاری چەکدارێن ئارتێشا ئازاد یا ئۆپۆزسیۆنا سوورییێ یا سەر ب تورکیا ڤە، ل گوندەکێ سەر ب ناوچەدارییا ماباتا یا ھەرێما عەفرینێ یا رۆژئاڤایێ کوردستانێ ھێرشی گوندەکی کر و ھەشت وەلاتییێن کورد یێن وی گوندی رەڤاندن کو کچ و ژن ژی د گەل دا نە.
مەیایێن رۆژئاڤایێ کوردستانێ دیار ژی کر؛ پشتی رەڤاندنا وان وەلاتییێن کورد، چەکدارێن ئۆپۆزسیۆنێ ئاگر بەردا پازدە مالێن وی گوندی و ب تەمامی سۆتن.
ژ ئالییەکێ دی ڤە نێرینگەھا سوورییێ یا مافێن مرۆڤی د راپۆرتەکێ دا دیار کر کو سۆتنا مالان، تالانکرن، دزین، گرتن و کوشتنا وەلاتییێن کورد ل عەفرینێ ژ ئالییێ چەکدارێن ئۆپۆزسیۆنا سوورییێ و ئارتێشا تورکیا ڤە بەردەوامە.
تُتاح هذه الصورة أيضا في: کوردی