فیفایێ خهلاتێن دارایى یێن مۆندیالا رۆسیا ئاشكهراكرن
WAAR-دهۆك:
فیفایێ خهلاتێن دارایی یێن ههلبژارتیێن پشكدار د مۆندیالا رۆسیا دا ئاشكراكرن، ههلبژارتییێ فرهنسا پشتی ناسناڤێ مۆندیالێ لسهر كیستێ ههلبژارتییێ كرواتیا مسۆگهركری، و بۆ جارا دووێ د دیرۆكا خۆ دا دبیته قارهمانا كۆپا جیهانێ، 38 ملیون دولارێن ئهمریكی وهك خهلاتێ ناسناڤێ مۆندیالێ وهرگرتن د بهرامبهر دا ههلبژارتییێ كرواتیا خودانا رێزا دووێ 28 ملیون دولار گههشتنێ. ههر دیسان ههلبژارتییێ بهلجیكا سێیهما مۆندیالا رۆسیا 24 ملیون دولار وهرگرتن، و ههلبژارتییێ ئنگلتهرا خودانا رێزا چارێ 22 ملیون دولار گههشتنێ، ژلایهكێ دیڤه تیمێن گههشتینه قۆناغا چاریك داوییێ ههر ئێك 16 ملیون وهرگرتن، بهرامبهر 12 ملیون دولار بۆ ههر تیمهكا گههشتییه قۆناغا شازدێ هاتینه تهرخانكرن، و تیمێن ژ قۆناغا كۆمان دهركهڤتین ههر ئێك 8 ملیون دولار وهرگرتن. ههژی گوتنێ یه بهایێ خهلاتێن گشتی یێن مۆندیالا رۆسیا دگههنه 400 ملیون دولاران، كو ههمان خهلات ل مۆندیالا بهرازیلێ 2014.. 358 ملیون دولار بوون.
تُتاح هذه الصورة أيضا في: کوردی