وه‌زاره‌تا ساخله‌ميێ ده‌رمانێن هه‌شت كۆمپانيان ژ ده‌رمانخانان ڤه‌دكێشيت
ئه‌ڤرۆنيوز:
وه‌زيرێ ساخله‌ميێ ل هه‌رێما كوردستانێ راگه‌هاند، ده‌رمانێن هه‌شت كۆمپانيان ژ ده‌رمانخانه وبازارێن هه‌رێمێ دێ هێنه ڤه‌كێشان وداخواز ژ وه‌لاتيان دكه‌ت يێن وان ده‌رمانان بكاردئينن سه‌ره‌دانا نوشداران بكه‌ن بۆ گوهۆرينا وان ده‌رمانان.
رێكه‌وت حه‌مه ره‌شيد، وه‌زيرێ ساخله‌ميێ ل هه‌رێما كوردستانێ دكۆنگره‌كێ رۆژنامه‌ڤانى دا گۆت” كواليتيا كونترۆلا ده‌رمانان ليسته‌ك به‌رهه‌ڤكريه بۆ ڤه‌كێشانا ده‌رمانێن هه‌شت كۆمپانيان ژ ده‌رمانخانه وبازارێن هه‌رێمێ”.
گۆت ژى” هه‌تا نوكه چو كه‌سه‌ك ژبه‌ر ده‌رمانان تووشى نه‌خوه‌شيێ نه‌بوويه، به‌لێ پێدڤيه ئه‌وێن ده‌رمانێن وان كۆمپانيان بكاردئينن سه‌ره‌دانا نوشداران بكه‌ن بۆ گوهۆرينا جۆرێ ده‌رمانى”.
تُتاح هذه الصورة أيضا في: کوردی