ئێکەتی: دێ ب یەکدەنگی ل گەل پارتی چینە بەغدا
WAAR-دهۆك:
د كۆمبوونا ئه‌ڤرۆ یا مه‌كته‌با سیاسی یا ئێكه‌تییا نشتیمانی یا كوردستانێ دا مه‌لا به‌ختیاری راگه‌هاند: پارتى و ئێكه‌تى دێ ب ئێك پاكێج دێ پشكداریێ د پێكئینانا حكومه‌تا ئیراقێ دا كه‌ن و دانوستاندن د هەردو ئالییان به‌رده‌وامن.
مه‌لا به‌ختیار، به‌رپرسێ ده‌سته‌یا كارگێری یا مه‌كته‌با سیاسی یا ئێكه‌تیێ راگه‌هاند: بتنێ پارتى و ئێكه‌تى دێ شێن زۆرینه‌یا سیاسى ل ئیراقێ پێك بینن.
گۆت ژى: پارتى و ئێكه‌تیێ سیاسه‌ته‌كا هه‌ڤسه‌نگ و به‌رپرسیارانه ل هه‌مبه‌رى ره‌وشا نها و دانوستاندنێن ل گه‌ل ئالییان ژ بۆ پێكئینانا حكومه‌تا ئیراقێ گرتییه به‌ر،
مه‌لا به‌ختیاری گۆت ژی: هه‌ر رێككه‌ڤتنه‌كا بهێته كرن، دێ بۆ مه‌كته‌با سیاسى و جڤاتا سه‌ركردا‌تیێ هێنه ره‌وانه‌كرن و پاشى بۆ په‌سه‌ندكرنێ ژى جڤاتا ناڤه‌ندى دێ بریارێ ل سه‌ر ده‌ت.
هەروەسا راگەهاند: پێدڤی یە پارێزگاره‌ك بۆ كه‌ركووكێ بهێته دانان و روونشتنێن جڤاتا وێ ژى ده‌ستپێ بكه‌ن و داوى ب دەستهەلاتا سه‌ربازى ل وێ پارێزگه‌هێ بهێت.
تُتاح هذه الصورة أيضا في: کوردی