حەدیسی: دانوستاندنێن ھەولێر و بەغدا دەستپێکرینەڤە
WAAR-دهۆك:
حکومەتا ئیراقێ راگەھاند؛ دانوستاندن د ناڤبەرا بەغدا و ھەولێر ل دۆر کێشەیێن ھەلاویستی دەستپێکرینە ڤە، ئەگەرێ راوەستیانا وان دانوستاندنان ژی بۆ ھەلبژارتنان مەھا گولانا بۆری ڤەگەراند.
سەعەد حەدیسی، پەیڤدارێ حکومەتا ئیراقێ بۆ رۆژنامەیا سەباح جەدید یا فەرمی یا ئیراقی ئەڤرۆ راگەھاند؛ دانوستاندنێن ھەولێر و بەغدا دەستپێکرینەڤە و گرنگترین بادەکێن ھەلاویستی ژی دێ ھێنە گۆتوبێژکرن، ژ وانا پرسا ھنارتنا پەترۆلێ و ھەماھەنگییا ئاساییشێ و ڤەکرنا رێکان.
حەدیسی ئاشکرا ژی کر، ژ بەر ھەلبژارتنێن پەرلەمانی یێن مەھا گولانان بۆری دانوستاندن د ناڤبەرا ھەولێرێ و بەغدا ھاتبوون راگرتن، لێ پشتی کۆمبوونا نێچیرڤان بارزانی و حەیدەر عەبادی ل حەفتییا بۆری دەستپێکرینەڤە.
پەیڤدارێ حکومەتا ئیراقێ گۆت ژی: کارەکێ رژد بۆ نەھێلانا ئاستەنگان و دەربازکرنا ئاریشان د ناڤبەرا ھەولێرێ و بەغدا دا ھەیە و گەلەک کێشە ژی دێ ھێنە چارەکرن.
تُتاح هذه الصورة أيضا في: کوردی