نێچیرڤان بارزانى و سه‌رۆكێ تیما نێڤده‌وله‌تى یا تاوانێن داعشێ كۆم بوون
WAAR-دهۆك:
سه‌رۆكوه‌زیرێ هه‌رێما كوردستانێ ل گه‌ل سه‌رۆكێ تیما نێڤده‌وله‌تى یا تاوانێن داعشێ كۆم بوو و باس ل دكیۆمێنتكرنا تاوانان و سزادانا تاوانباران كر.
ل گۆره‌یى مالپه‌ری حكومه‌تا هه‌رێمێ، ئه‌ڤرۆ ل هه‌ولێرێ سه‌رۆكوه‌زیر نێچیرڤان بارزانى، پێشوازى ل كه‌ریم ئه‌سعه‌د ئه‌حمه‌د خان سه‌رۆكێ تیما نێڤده‌وله‌تى یا تاوانێن داعشێ و شانده‌كا ل گه‌ل كر و د كۆمبوونێ دا، وێ شاندێ كار و چالاكیێن تیما خوه یێن ب هاریكارییا حكومه‌تا هه‌رێمێ و حكومه‌تا ئیراقێ كرین، بۆ سه‌رۆكوه‌زیر بارزانى روونكرن و دوپاتى ل دكیۆمێنتكرنا تاوانان و سزادانا تاوانباران كر.
سه‌رۆكوه‌زیر بارزانى ژى، خوه‌شحالییا خوه ب ده‌ستكاربوونا وێ تیما نێڤده‌وله‌تى بۆ دیڤچوونا تاوانێن داعشێ نیشاندا و پشته‌ڤانى و كارئاسانییا حكومه‌تا هه‌رێمێ بۆ كار و چالاكیێن وێ تیمێ راگه‌هاند.
تُتاح هذه الصورة أيضا في: کوردی