کۆچکا سپی: ھێزێن ئەمریکی دێ نێزیک ژ سووریێ دەرکەڤن
WAAR-دهۆك:
کۆچکا سپی بەرسڤا داخویانییا سەرۆکێ فرەنسا دا و راگەھاند؛ دۆنالد ترامپ تا نھا دخوازیت ھێزێن ئەمریکی ژ سووریێ ڤەکێشیت.
سارا ساندەرز، پەیڤدارا کوچکا سپی ل سەر داخویانیا ئیمانوێل ماکرۆن ھاتە دەنگ و گۆت: پلانا وان ل سووریێ نەھاتیە گوھرین و پشتی نەمانا داعشێ ھیزێن ئەمریکی ل وی وەلاتی نامینن.
ھەروەسا گۆت: ئەو ل سەر ژناڤبرنا داعشێ ل سووریێ د رژدن و دێ رێگریێ ل دوبارە ڤەگەریانا وێ رێکخستنێ کەن و ئەو چاڤەرێنە ھەڤپەیمانێن وان پارستنا ئێمناھیا وێ دەڤەرێ بکەن.
ئەڤ داخویانیا کۆچا سپی د دەمەکى دایە کو بەری نھا ئیمانوێل ماکرۆن راگەھاندبوو؛ ئەو شیا ترامپی رازی بکەت ھێزێن ئەمریکی ل سووریێ بھێلیت و بریارا ڤەکێشانێ نەدەت.
تُتاح هذه الصورة أيضا في: کوردی