گەشتێن ئەسمانی دێ ل فرۆکخانێن هەرێما کوردستانێ دەستپێکەن

گەشتێن ئەسمانی دێ ل فرۆکخانێن هەرێما کوردستانێ دەستپێکەن
ئەڤرۆ نیوز:

لژنا بلند یا بەرهنگاربوونا کۆرۆنایێ ل عیراقێ چەند بڕیارەک دەربارەی قەدەغەیا هاتنوچوونێ و رێکارێن نوو بۆ رێگریێ ل بەلاڤبوونا ڤایرۆسێ کۆرۆنایێ دەرکرن و گۆتیە: پشتی جەژنا قوربانێ دێ قەدەغەیا هاتنوچوونێ هێته راکرن و ل 23 تەموزێ ژی دێ فڕۆکخانە هێنە ڤەکرن و دەستپێکرنا گەشتان دێ هەرێما کوردستانێ ژی ڤەگریت.

وەزارەتا ڤەگوهاستن و گەهاندنا هەرێما کوردستانێ گوتیە: ڤەکرنا فڕۆکخانێن عیراقێ و هەرێما کوردستانێ، دێ لدووڤ مەرج و رێنمایێن خۆپارێزیێ و ساخلەمیێ بیت، ئەڤە ژی ژ پێخەمەت پاراستنا وەلاتیان و گەشتیاران.

هەروەسا دیار کریە: قەدەغەیا نوو یا هاتنوچوونێ دێ ل دەمژمێر 9:30 خولەکێن شەڤێ دەستپێکەت و هەتا دەمژمێر 6:00 سپێدێ دێ بەردەوام بیت، هەڤدەم مۆل دێ ب رێنمایێن ساخلەمیێ هێنە ڤەکرن.

تُتاح هذه الصورة أيضا في: کوردی