سەرۆک بارزانی: پەسەندکرنا بودجەی گاڤەکا ئەرێنیە
گاڤ نیوز
سەرۆک مەسعوود بارزانی ب هەلکەفتا پەسەندکرنا پرۆژەقانوونا بودجەیێ گشتی یێ ئیراقێ پەیامەک بەلاڤ کر و دەستخۆشی ل هەمی ئالیێن سیاسی یێن کوردستان و ئیراقێ کر.
سەرۆک مەسعوود بارزانی نڤیسیە، پەسەندکرنا بودجەیێ ئیراقێ گاڤەکا ئەرێنیە بەرەڤ ئارستەیێ دروستە و هیڤیدارین ببیتە دەستپێکەک بۆ بهێزکرنا بنەمایێن دیالۆگ و پێکڤەژیانا ئاشتیانە، هەروەسا ڤەگەراندنا بنەمایێن شەراکەتێ د ناڤبەرا پێکهاتەیێن ئیراقێ دا.
سەرۆک بارزانی هەروەسا دەستخۆشی ل هەمی ئالیێن سیاسی یێن کوردستان و ئیراقێ کر و سوپاسیا شاندا حکومەتا هەرێمێ و فراکسیۆنێن کوردستانی و فراکسیۆنێن دی یێن جڤاتا نینەرێن ئیراقێ ژی کر کو پشکا هەرێمێ د بودجەیا ئیراقێ دا جێگیر کری.
تُتاح هذه الصورة أيضا في: کوردی