نێچیرڤان بارزانی: پەسەندکرنا بودجەی دەستپێکە بۆ چارەکرنا کێشەیێن هەولێر و بەغدا
گاڤ نیوز
سەرۆکێ هەرێما کوردستانێ ژ بۆ پەسەندکرنا بودجەیێ گشتی یێ ئیراقێ پیرۆزباهی ل هەمی ئالیان کر و خواست دەرگەهێ دانوستاندنان بەرهەمدار بۆ هەمی ئالیان بهێتە ڤەکرن.
نێچیرڤان بارزانی د پەیاما خۆ یا پیرۆزباهیێ دا نڤیسیە، پیرۆزباهیا هەمی گەلێ ئیراقێ دکەم، دەستخۆشیێ ژی ل سەرۆکایەتی و هەمی فراکسیۆنێن جڤاتا نینەران دکەم. بزاڤێن مستەفا کازمی، سەرۆکوەزیرێ ئیراقێ بۆ کێمکرنا ناکوکی و رێککەفتنێ جهێ رێز و سوپاسیێ نە.
هەروەسا نڤیسیە، ژ بۆ پاشەرۆژەکا باشتر و چارەکرنا هەمی کێشەیان ئیراق پێدڤی ب هاریکاریا هەڤپشکە.
نێچیرڤان بارزانی سوپاسی و دەستخۆشی ل شاندێ حکومەتێ و فراکسیۆنێن کوردستانی ژی کر کو پشتەڤان و هاریکاریێن حکومەتێ بوون.
سەرۆکێ هەرێما کوردستانێ نڤیسیە ژی، هیڤیدارم هەمی ئالی پابەندی یاسایێ ببن، پەسەندکرنا بودجەیی دێ بیتە دەستپێکەکا باش و پالدەرەک بۆ چارەکرنا کێشەیێن دی یێن هەرێم و حکومەتا فیدرال. بجهئینانا یاسایێ دێ بیتە ئەگەرێ بهێزکرنا پرۆسەیا سیاسی و پێکڤەژیان و بنەجهکرنا مافێن وەلاتیبوونێ بۆ هەمی کەسان، دەرگەهێ دانوستاندنێن بەرهەمدار بۆ هەمی ئالیان دێ هێتە ڤەکرن داکو ب هەڤرا ژ پێخەمەت سەقامگیری، ئاڤەدانی و پێشکەفتنا وەلاتی کار بکەن.
تُتاح هذه الصورة أيضا في: کوردی