“ب تنێ د سالا 2020ێ دا 700 حالەتێن پەنجەشێرێ ل دهۆکێ هاتینە تۆماركرن”
گاڤ نیوز
لژنەیا ساخلەمیێ ل پەڕلەمانێ کوردستانێ راگەھاند: ئهڤساله ل پارێزگەھا دھۆکێ ٧٠٠ تووشبوویێن پەنجەشێرێ ھاتینە تۆمارکرن.
ئەڤرۆ پەڕلەمانێ کوردستانێ د کۆمبوونا خۆ دا بەحس ل مەترسیا پەنجەشێرێ ل ھەرێما کوردستانێ کر و دوپاتکر، رۆژانە سەدان کەس ل ھەرێمێ تووشی پەنجەشێرێ دبن.
ل گۆری راپۆرتەکێ کو ژ ئالیێ گەلاوێژ عوبێد، ئەنداما لژنەیا ساخلەمیێ ل پەڕلەمانێ کوردستانێ ل سالا ٢٠٢٠ ل پارێزگەھا دھۆکێ ٧٠٠ تووشبوویێن پەنجەشێرێ ھاتینە تۆمارکرن.
ل گۆری لژنەیا ساخلەمیێ ل پەڕلەمانێ کوردستانێ ٩٠% ژ تووشبوویان خەلکێ ھەرێمێ نە و ١٠% ژی خەلکێ ژێریا ئیراقێ نە.
دیارکر ژی ل گۆری راپۆرتەکا وەزارەتا ساخلەمیێ ل سالا ٢٠١٣ تا ٢٠١٩ رێژەیا پەنجەشێرێ ژ ھەر سەد ھزار کەسان ل ھەولێر و دھۆکێ ژ ٧٠ نەخۆشان بۆ ١٧٣ نەخۆشان بلند بوویە.
ل گۆری لژنەیا ساخلەمیێ پەنجەشێرا سیھان ل دەف زەلامان و پەنجەشێرا مەمکان ل دەف ژنان بەربەلاڤترین جۆرێن پەنجەشێرێ نە و د دیف دا پەنجەشێرا گولچیسکان و خوینێ ل رێزا دووێ و سیێ دھێن.
ئەنداما لژنەیا ساخلەمیێ دیارکریە ژی، کێشەیا سەرەکی یا بەربەلاڤبوون و مرن ب پەنجەشێرێ پاشخستنا پشکنینایە.
تُتاح هذه الصورة أيضا في: کوردی