شاخەوان عەبدوڵڵا: کارێ مه يێ سەرەکی دێ بجهئينانا دەستوورێ عێراقێ بت
بەغدا_KDP.info_
جێگری دووەمی سەرۆکی پەرلەمانی عێراق گوتی، دوای ھەڵبژاردنی دەستەی سەرۆکایەتیی پەرلەمانی عێراق، داوامان کردووە پێویستە لە ماوەی ١٥رۆژدا کاندیدی سەرۆککۆمار پێشکەش بکرێت و دواتریش سەرۆکوەزیران ڕادەسپێردرێت بۆ پێکھێنانی حکوومەت و ئێمەش کە وەکوو کورد ئەو پۆستەمان وەرگرتووە، کاری سەرەکیمان لەگەڵ شەریکەکانمان جێبەجێکردنی دەستوور دەبێت.
جێگری دووەمی سەرۆکی پەرلەمانی عێراق، شاخەوان عەبدوڵڵا، بۆ ماڵپەڕی فەرمیی پارتی دیموکراتی کوردستان گوتی: ”دوای ئەوەی دوێنێ دەستەی سەرۆکایەتیی پەرلەمانی عێراق ھەڵبژێردرا، داوامان کردووە کە لە ماوەی ١٥ ڕۆژدا کاندیدی سەرۆککۆماری پێشکەش بکرێت و دواتریش سەرۆککۆمار سەرۆکوەزیرانی داھاتوو بۆ پێکهێنانی حکوومەت ڕادەسپێرێت.”
شاخەوان عەبدوڵڵا گوتیشی: ”من وەکوو جێگری سەرۆکی پەرلەمان دیاری کرام، ئێمە لەو پۆستەداین و دەمانەوێت لەگەڵ ھاوکارانمان لە پرۆسەی سیاسیدا پێکەوە بتوانین دەستوور جێبەجێ بکەین و بە جێبەجێکردنی دەستوور تەواوی کێشەکان چارەسەر دەبن و ھیچ گرفتێک نامێنێت.”
جێگری دووەمی سەرۆکی پەرلەمانی عێراق ڕوونیشی کردەوە: ”ھەوڵی جددی دەدەین ھەموو ڕێککەوتنەکان جێبەجێ بکرێن لە نێوان لایەنەکاندا، ئەمەش ئارامی دروست دەکات بۆ ئەوەی گەندەڵی نەمێنێت و دامەزراوەکان لەسەر بنەمای دەستوور دامەزرێن و لەگەڵ شەریکەکانمان کار لەسەر ناوچە کێشە لەسەرەکان و ماددەی ١٤٠ دەکەین بۆ ئەوەی جێبەجێ بکرێن.”
تُتاح هذه الصورة أيضا في: کوردی