سهرۆكێ ههرێما كوردستانێ و سهرۆكوهزیرێن ئیراقێ مستهفا كازمى كۆمبوون
گاڤ نيوز:
ئهڤرۆ سهرۆك نێچیرڤان بارزانى، سهرۆكێ ههرێما كوردستانێ و سهرۆكوهزیرێن ئیراقێ مستهفا كازمى كۆمبوون، باس ل پێشهاتێن سیاسى و ئێمناهیێ یێن ئیراقێ كر، ههروهسا بەحسێ هێرشێن سوپایێ پاسداران بۆ سهر ههولێرێ كر.
ئهڤرۆ، سهرۆك نێچیرڤان بارزانى پێشوازی ل سهرۆكوهزیرێ ئیراقێ مستهفا كازمى و شاندهكێ دگهل دا كر، د كۆمبوونهكێ دا باس ل رهوشا سیاسى و ئێمناهیا ئیراقێ و هێرشا سوپایێ پاسدارێن ئیرانێ بۆ سهر ههولێرێ هاته كرن.
ههردو ئالی ههڤڕابوون كو هێرش پێشهاتهكا جددى و بنپێكرنهكا زیق یا سهروهریا ئیراقێ یه و ئهو دهستدرێژى، سهقامگیریا ههمى ئیراقێ دئێخیته د مهترسیێ دا.
سهرۆك وهزیرێ ئیراقێ دیاركر، ئهو ب دلگرانیهكا كویر تهماشهى وێ هێرشێ دكهن و گۆت: ئهم ئهڤرۆ هاتینه ههولێرێ داكو دگهل ههوه بین وهكى پشتهڤانیهكێ بۆ ههرێما كوردستانێ.
سهبارهت بههانهیێن ئهنجامدانا وێ هێرشێ ژى كو بنگهههكێ ئسرائیلێ بوویه ئارمانج، سهرۆك نێچیرڤان بارزانى دیار كر، چ بنگههێن ئسرائیلێ ل ههرێما كوردستانێ نینن و ههر دهنگۆیهك د ڤى واری دا بێ بنهمایه.
تُتاح هذه الصورة أيضا في: کوردی