نێچیرڤان بارزانى: پشتى كونگرهى دێ دانوستاندنێن راستهقینه دگهل لایهنان دهستپێكهین
خانى نيوز:
نێچیرڤان بارزانى پشتى ههلبژارتنا وى وهكو جێگرێ ئێكێ یێ سهرۆكێ پارتى دیموكراتى كوردستان راگههاند، پشتى ئهڤى كونگرهى دێ دانوستاندنێن راستهقینه دگهل حزبێن كوردستانێ دهستپێكهن، و دڤێت ئاریشهیان دگهل ههڤپشكێن خوه ژى چارهسهر بكهن.
نێچیرڤان بارزانى جێگرێ ئێكێ یێ سهرۆكێ پارتى دیموكراتى كوردستان راگههاند، پارتى هێزهكا سهرهكییا ههرێما كوردستانێیه و ئێك ژ مهزنترین و كاریگهرترین هێزێن سیاسى یێن عیراقێیه، لهوما سهركهڤتنا كونگرهیێ پارتى سهركهڤتنا عیراق و ههرێما كوردستانێیه، گوت ژى: گهلێ كوردستانێ گهلهك دهستكهڤتێن مێژوویى بدهستڤهئیناینهى و سهرۆك بارزانى رۆلێ سهرهكى تێدا ههبوو.
جێگرێ ئێكێ یێ سهرۆكێ پارتى دیموكراتى كوردستان ل دۆر ئاریشهیێن دناڤبهرا ههرێما كوردستانێ و عیراقێدا دیاركر، پێدڤییه حكومهتا عیراقێ ماددهیێ 140 بجهبینیت، بهحس ل هندێ ژی كر، دڤێت ههموو لایهن ههمبێزهكا نوو بۆ دانوستاندنان دگهل رهوتا سهدرى بكهن.
دبهشهكێ دییێ گوتارا خوهدا نێچیرڤان بارزانى گوت : ژبهر خهباتا بارزانییێ نهمر و پارتى، بۆ جارا ئێكێ دمێژوویا ههڤچهرخا گهلێ كوردستانێدا، دهولهتا عیراقێ ل دهستوورێ پشتى شۆرهشا 14ى تهمموا 1658ێ، كورد و عهرهب ل عیراقێ كرنه ههڤپشك، ههروهسا رێككهڤتنا 11ى ئادارا سالا 1970ێ بوو مهزنترین بهلگهنامه كو دهولهتا عیراقێ بشێوهیهكێ فهرمى دان پێدانێ ب مافێن گهلهكێ كورستانێ بكهت.
تُتاح هذه الصورة أيضا في: کوردی