جوان رۆژبهیانی: پەرلەمانێ عێراقێ دێ ل دۆر دەڤەرێن کوردستانی ھندەک بریاران دەرکەت
ئاژانسا خانی ” تایبەت:
سەرۆکا لژنا دەڤەرێن کوردستانی دیار کر، د سەرەدانا ڤێ دووماھییێ یا سەرۆکێ حوکمەتێ بۆ بەغدا ل گەل حوکمەتا عێراقێ دوپاتی ل سەر ئاساییکرنا دەڤەرێن کوردستانی ھاتییە کرن و دبێژیت، پەرلەمانێ عێراقێ دێ ھندەک بڕیاران ل دۆر دەڤەرێن کوردستانی دەرکەت.
جوان رۆژبەیانی، سەرۆکا لژنا دەڤەرێن کوردستانی ل پەرلەمانێ کوردستانێ بۆ ئاژانسا خانی گۆت” ل چەند رۆژێن بوری مەسرور بارزانی سەرەدانا بەغدا کر و ئێک ژ مژارێن سەرەدانا سەرۆکێ حوکمەتێ پرسا ئاساییکرنا رەوشا دەڤەرێن کوردستانی یێن دەرڤەیی ئیدارەیا حوکمەتا ھەرێما کوردستانێ بوویە، چونکی لژنا بلندا مادێ ١٤٠ ھاتییە کاراکرن و ئەگەر سالێن بوری بەغدا یا پێگیر نەبیت ب رێکكەفتنێن دگەل ھەرێمێ پێدڤییە حوکمەتا سودانی کار بۆ بجهئینانا مادێ ١٤٠ یێ دستووری بکەت.
ناڤهاتییێ گۆت ژی” ھندەک بڕیارێن سەردەمێ رژێما بەرێ ھەنە و پێدڤی ب پەرلەمانی ھەنە بۆ دەرکرنا بڕیارێن تایبەت ب دەڤەرێن کوردستانی و ئاساییکرنا رەوشا وان دەڤەران، لەوما مەسرور بارزانی دگەل سەرۆکێ پەرلەمانێ عێراقێ کۆمبوویە و ئەو بابەت ھاتییە بەحسکرن.
تُتاح هذه الصورة أيضا في: کوردی