وه‌زیرێ ساخله‌مییێ : ژ هه‌ر 100 هزار كه‌سان، 151 كه‌س تووشى په‌نجه‌شێرێ بووینه
خانى نيوز:
سامان به‌رزنجىوه‌زیرێ ساخله‌مییا هه‌رێما كوردستانێ ڕاگه‌هاند، ڕێژه‌یا تووشبوون ب په‌نجه‌شێرێ ل هه‌رێما كوردستانێ ژ ئاستێ ستانداردێ نێڤده‌وله‌تى كێمتره و ژ هه‌ر 100 كه‌سان، 151 كه‌س تووشبووینه.
ب ئاماده‌بوونا مه‌سرور بارزانى سه‌رۆكێ حكومه‌تا هه‌رێما كوردستانێ به‌رێ بنیاتییێ سه‌نته‌رێ چاره‌سه‌رییا نه‌خۆشییا په‌نجه‌شێرێ ب ڕێیا تیشكێ ل دهۆكێ هاته دانان، وه‌زیرێ ساخله‌مییێ سامان به‌رزنجى د رێوره‌سماندا یێ به‌رهه‌ڤبوو و گوتاره‌ك پێشكێشكر و گوت : ڕێژه‌یا تووشبوونێ ب په‌نجه‌شێرێ ل هه‌رێما كوردستانێ، ژ هه‌ر 100 هزار كه‌سان، 151 كه‌سن.
سامان به‌رزنجى ئاماژه ب هندێ كر، ڕه‌وشا په‌نجه‌شێرێ ل هه‌رێما كوردستانێ ژ ستانداردێن نێڤده‌وله‌تى باشتره، كو ژ هه‌ر 100 هزار كه‌سان 191 كه‌س تووش دبن، سالانه زێده‌تر ژ 19 ملیۆن و 500 هزار مرۆڤان ل جیهانێ تووشى په‌نجه‌شێرێ دبن.
تُتاح هذه الصورة أيضا في: کوردی