سهرۆك بارزانى ل گهل فهرماندهیێ گشتى یێ هێزێن ههڤپهیمانان ل ئیراق و سووریا كۆمبوو
گاڤ
ئهڤرۆ سهرۆك مهسعوود بارزانى ل پیرمام پێشوازى ل فهرماندهیێ گشتى یێ هێزێن ههڤپهیمانان ل ئیراق و سووریا كر.
ئهڤرۆ سێشهمبێ 9-1-2024ێ سهرۆك مهسعوود بارزانى، ل گهل جهنهرال جۆول ڤاول، فهرماندهیێ گشتى یێ هێزێن ههڤپهیمانان ل ئیراق و سووریا و شاندهكێ ل گهل دا كر.
د دیدارهكێ دا كو مارك سترۆ، كونسلێ گشتى یێ ئهمریكا ل ههولێرێ ژى ئاماده بوو بهحس ل دوماهى پێشهات و گوهۆڕین و گهفێن تیرۆرێ ل ئیراق و سووریا و ناوچێ ب گشتى كرن.
ههر د دیدارێ دا دانوستاندن دهربارهیى مهترسیێن سهرههلدانا داعشێ هاتنه كرن و گرتنهبهرا رێ چارهیێن پێدڤى بۆ بهرهنگاربوونا تیرۆرێ ب گرنگ زانین.
د پشكهكا دى یا دیدارێ دا سهرنج خستنه سهر بهردهوامیا ههڤكاریێ د ناڤبهرا هێزێن ههڤپهیمانان و هێزێن پێشمهرگهى و سوپایێ ئیراقێ.
ههروهسا دوپاتى ل بهردهوامبوونا كارێ هێزێن ههڤپهیمانان ل ئیراق و سووریا هاته كرن ب مهرهما رێگریكرن ل مهترسیێن سهرههلدانا تیرۆرێ و پاراستنا ئاسایش و سهقامگێریێ ل ناوچێ.
تُتاح هذه الصورة أيضا في: کوردی