وەزارەتا كارەبێ زەلالکرنەک دەربارێ دانا دەمژمێرێن کارەبێ دا

وەزارەتا كارەبێ زەلالکرنەک دەربارێ دانا دەمژمێرێن کارەبێ دا

باسنيوز:

وەزارەتا كارەبێ یا حكوومەتا هەرێما كوردستانێ، دانا دەمژمژێرێن كارەبێ ئاشکرا کر و گووت: “نوکە بگشتی هەشت دەمژمێرێن کارەبێ دهێنە دان.”

ئومێد ئەحمەد، پەیڤدارێ وەزارەتا كارەبا حكوومەتا هەرێما كوردستانێ، بۆ (باسنیوز) راگەهاند: “نوکە دەمژمێرێن دانا کارەبا نشتیمانی بگشتی هەشت دەمژمێرن بۆ دەڤەرێن گەرم زێدەترن، بەلێ بۆ دەڤەرێن سار هندەک جاران دەمژمێرەکا كارەبێ کێمتر دهێتە دان، ل دیف رەوشا بەرهەم و خواستی، دانا كارەبێ كێم و زێدە دبیت.”

ئاشكرا ژی كر: “بەرهەمێ كارەبا مە دناڤبەرا 3 هزار و 700 بۆ 4 هزار مێگاواتە، بەلێ خواست لسەر کارەبێ زێدەترە و پێتڤی ب بەرهەمێ زێدەتر هەیە.”

گووتژی: “ل هەیڤا پیرۆزا ڕەمەزانێ وەزارەتا كارەبێ هەمی بزاڤێن خۆ ئێخستنە کار، بۆ هندێ کۆ زۆرترین كارەبێ بدەتە ولاتیان.”

پەیڤدارێ وەزارەتا كارەبێ تەکەز کر : “ل هەیڤا بهێت 250 مێگاواتێن كارەبێ، دل ژ كۆمباین سایكلا بازیان زێدە بن، ئەڤەژی کۆ وزەیەكا پێتڤی ب سووتەمەنیێ نینە، ڤێ ئێکێ ژی دێ كاریگەریێ لسەر زێدەکرنا كارەبا نشتیمانی هەبیت.”

تُتاح هذه الصورة أيضا في: کوردی