مەسرور بارزانی دێ سەرپەرشتییا بەرهنگاربوونا گوهۆرینێن سەقایی كەت
خانى نيوز:
سەرۆکێ دەستەیا وەبەرهێنانێ دیاركر، سەرۆکوەزیران مەسرور بارزانی دێ سەرپەرشتییا بەرهنگاربوونا گوهۆرینێن سەقایی كەت و پلانا حكومەتێ ژی بۆ ئەڤێ مەرەمێ ئاشكەرا كەت.
د. محەممەد شوکری، سەرۆکێ دەستەیا وەبەرهێنانێ ل هەرێما کوردستانێ ڕاگەهاند، مەسرور بارزانی، سەرۆکێ حکومەتا هەرێما کوردستانێ دێ سەرپەرشتییا بەهنگاربوونا گوهۆرینێن سەقایی كەت.
ل دویڤ گۆتنا سەرۆکێ دەستەیا وەبەرهێنانێ، دروستکرنا بەنداڤان و دەردانا گازێن زیان بەخش پشكەكن ژ بەرنامەیێ كارێ كابینەیا نەهێ یا حكومەتا هەرێما كوردستانێ.
محەممەد شوکری ئاماژە ب هندێ دا، د سێ هەیڤێن بهێتدا دێ پلانا ستراتیژییا حکومەتا هەرێما کوردستانێ ب هاریكارییا پرۆگرامێن گەشەپێدانا نەتەوەیێن ئێكگرتی، هاریكارییا پرۆگرامێن گەشەپێدانا نەتەوەیێن ئێكگرتی و ئاژانسا ئەمریکا بۆ گەشەپێدانا نیڤدەولەتییا ل دۆر بەرهنگاربوونا سەقایی هێتە دانان.
تُتاح هذه الصورة أيضا في: کوردی