تۆرا لالش
ل 25ـی شوباتا 2025ـێ شاندهكێ بنگههێ لالش ب سهرپهرشتییا بهرێز سهعید جردۆ سهرۆكێ دهستهیا بلندا بنگەهێ لالش یێ رهوشهنبیری و كۆمهلایهتی پشكداری كۆنفرانسێ پاراستنا کەڵتوورێ کەمینەیێن ئاینی ل کوردستان و عیراق و یەمەنێ ل هۆلا كۆنفرانسان ل زانكۆیا دهۆكێ بوو، تێ زانین بۆ ههیاما چهند رۆژهكان یێ بهردهوامبوو و دوهی ب داوی هات.
ڤی كۆنفرانسی سەرکردێن زانكویێ، نونەرێن سیاسی و جڤاکی، و قوتابی کۆمکرن، و گفتوگۆیێن پانێلی دگەل ئەکادیمی و کەسایەتیێن جڤاکی هاتنه گهنگهشهكرن، و ههروهسان خالەکا گرنگ یا ڤی كۆنفرانسی دەرئێخستنا پەرتوکەکا کەلەپووری بوو، یا کو ژ لایێ پسپۆرێن زانكۆيا دهۆك ڤە هاتبوو نڤیسین.
ئارمانجا سەرەکی یا ڤی کۆنفرانسی پاراستنا کەلتوورێ کەمینەیێن ئاینی ل کوردستانێ، عیراقێ و یەمەنێ بوو.
تێ زانین ئهڤ كۆنفرانسه ژلایێ زانکۆیا دهۆکێ ڤه ب هەڤکاریا پەیمانگەها ڤەکۆلینێن پەرەپێدانێ یا زانكويا ساسێکسێ و ئەنجومەنا بەریتانی یا رهوشەنبیری و زانکۆیێن یەمەنێ و ب پشتەڤانیا ئێكهتیا ئەورۆپا ل زانكۆیا دهۆكێ هاتبوو رێكخستن.
ژلایێ خۆ ڤه بهرێز سهعید جردۆ سهرۆكێ بنگههێ لالش ژ بهر ئهنجامدانا ڤی كۆنفرانسی سوپاسیێن بنگههێ لالش ئارستهی زانکۆیا دهۆکێ بۆ رێکخستنا كۆنفرانسێ گرنگ، و بۆ هەولدانێن وان یێن مەزن د کۆمکرنا زانکۆ و رێکخراوێن جیهانی بۆ گرنگی دانێ ب ڤی مژارێ گیانی كرن.
تُتاح هذه الصورة أيضا في: کوردی