تۆرا لالش
ل رێکەفتی ٢٠٢٦/٣/٣١، نڤیسینگەها لالش یا تل قەسب سمینارەکا رەوشەنبیری ل ژێر ناڤ و نیشانێ “رۆلێ مامۆستایی د جڤاکیدا” رێکخست.
تێ زانین ئەڤ سمینارە ژ ئالیێ مامۆستا خهلهف ئێزدین و ب ئامادەبوونا کۆمەکا دیار و خودان ئەزموون ژ مامۆستایێن کەمپا “جم مشکۆ” یا ئاوارەیان ل قەزا زاخۆ هاتە برێڤەبرن.
د ڤێ سمینارێدا گەنگەشە ل دۆر چەند تەوەرێن سەرەکی هاتە کرن، ژ وان ژى گرنگیا رۆلێ پەروەردەیی و فێربوونێ كا چەوانیا مامۆستا دبنە بنیات بۆ ئاڤاکرنا جڤاکەکێ ساخلەم.
ههروهسان تەکەزی ل سەر چاندنا رەوشت و بهایێن بلند د ناڤ دلێ قوتابیاندا هاتە کرن، و گەنگەشە ل سەر وان کێشە و گرفتان هاتە کرن یێن کو د ئیرۆدا تووشی مامۆستایان دبن، دگەل دیتنا رێکێن چارهسهریێ بۆ پێشئێخستنا پرۆسەیا خواندنێ د ناڤ بارودۆخێن نهۆ دا.
ئەڤ چالاکیە د چارچۆڤێ بزاڤێن نڤیسینگەها لالش دا دهێت بۆ بلندکرنا ئاستێ رەوشەنبیری و پشتەڤانیکرنا تەخا مامۆستایان، ب تایبەتی ئەوێن د ناڤ کەمپێن ئاوارەیاندا خزمەتێ دکەن.
تُتاح هذه الصورة أيضا في: کوردی