دو خوشک و برایێن جێمک خێزانا هەڤژینییێ پێکئینایە
WAAR-دهۆک:
پشتی دو هەڤژینان ل ویلایەتا مسیسیپی یا ئەمریکایێ، بۆ دەمێ چەندین سالان زارۆک نەبووین، بریار دان ل نەخوەشخانەیەکا باژێرێ خوە زارۆکەکێ ل ناڤ شووشەیی ژبۆ خوە چێبکەن، ژبۆ ڤێ یەکی ژی پشکنینێن (DNA) بۆ وان هاتن کرن، لێ ل دەمێ پشکنینێن نۆژداری ب دوماهی هاتین، ئەنجامێن پشکنینێ هەردو هەڤژین حێبەتی هێلان پشتی بۆ وان دیاربوویی کو هەردو هەڤژین خوشک و برایێن ئێکن و جێمکن!
ل گۆری رۆژنامەیا (ئێڤینینگ ستاندار) نۆژدارێن پشکنین بۆ وان هەڤژینان کرین دیار دکەن؛ دەمێ وان هەڤژینان ژبۆ چاندنا زارۆکێ ل ناڤ شووشەیی قەستا نەخوشخانەیا وان کری، وەکی هەمی خێزانێن دی پشکنینێن (DNA) ژبۆ هەردو هەڤژینان هاتن کرن، لێ تشتێ سەیر و نەچاڤەرێکری ئەو بوو دەمێ ئەنجامێن پشکنینان دیارکری کو هەردو هەڤژین خوشک و برانە و جێمکێن ئێکن.
نۆژداران ل دەسپێکی باوەرنەدکر کو ئەڤ خێزانە ژ خوشک و برایێن جێمک پێکهاتینە، دبیت ئەنجامێن پشکنینان د شاش بن یان ژی هەردو هەڤژین نیاسێن ئێکبن ژبەر وێ یەکێ ئەوان زارۆک نابن، لێ پشتی دوبارە پشکنین بۆ وان هاتینە کرن دیسان ئەنجامان دیار کر کو ئەو هەڤژینە جێمکن!
هەرچەندە گەلەک جاران هەڤال و نیاسێن وان دگۆتن ئەو هەردو گەلەک وەکی ئێکن و یەک خولک و خوین هەنە، لێ چ جاران ئەوان هزر نەدکر کو خوینا وان ئێکە، ئەو جێمکن و هاتینە ژێک دوورکرن، لێ پشتی ئەنجامێن پشکنینان هەردو هەڤژینێن سەیرترین خێزان پێکئیناین بریاردان بزانن چاوا ئەو هەردو خوشک و برایێن ئێکن و ئەگەر چنە ژێکڤەبووین و بۆچی ئەو گەهشتینە ڤی ئەنجامێ سەیر؟ پشتی دگەل مالباتێن خوە ڤەکۆلین کرین و دوووڤچوونا ژیانا خوە کرین، بۆ وان دیاربوو کو هەردو خوەشک و برا ل سالا 1984 ژدایکبوونە و ل دەمێ هێشتا ئەو د ساڤا، د روودانەکا ترافیکێ دا دەیک و بابێن وان ژیانا خوە ژ دەست دانە، پاشی هەردو زارۆک ژێک هاتینە دوورکرن، هەر یەک ل خێزانەکێ دهێتە ب خوەدان کرن بێی کو راستییا ژیانا خوە بزانن، پشتی هەردو مەزن بووین دیسان ل قووناغا زانکۆیێ ئەوان ئێک نیاسی و هەر زوو پێکڤە هاتنە گرێدان و ل داوییێ بریاردان ژیانا هەڤژینییێ پێک بینن، بێی کو بزانن کو ئەو خوشک و برانە و جێمکێن ئێکن.
پشتی ئاشکەرابوونا مەزنترین نهێنیا ڤان هەڤژینێن جێمک، هەردو خوەشک و برایان دیار کر؛ ئەو دێ بەردەوام بن ل سەر ژیانا خوە یا هەڤژینییێ و چ جاران ژئێک جودا نابن.
تُتاح هذه الصورة أيضا في: کوردی